ലോകത്തിലെ ഏറ്റവും പ്രായം ചെന്ന കന്യാസ്ത്രീ അന്തരിച്ചു
നൂറ്റിപ്പത്ത് വയസ്സുണ്ടായിരുന്നു, പോളണ്ടുകാരിയായ സിസ്റ്റര്‍ സെസീലിയ മരിയ റോസാക്കിന്. കരുണ നിറഞ്ഞ നിറഞ്ഞ സുദീര്‍ഘമായ ആ ധന്യജീവിതത്തിന് കഴിഞ്ഞ ദിവസം തിരശ്ശീല വീണു.
സംഭവബഹുലമായിരുന്നു 1908 മാര്‍ച്ച് 25 ന് ജനിച്ച സിസ്റ്റര്‍ റോസാക്കിന്റെ ജീവിതം. 21 ാമത്തെ വയസ്സില്‍ അവര്‍ കന്യാസ്ത്രീ മഠത്തില്‍ ചേര്‍ന്നു. റൊസാക്കിന് 30 വയസ്സുള്ളപ്പോളാണ് ജര്‍മന്‍ പട പോളണ്ടില്‍ അധിനിവേശം നടത്തിയത്.
അക്കാലത്ത് നിരവധി യഹൂദരെ ജര്‍മന്‍കാരില്‍ നിന്ന് രക്ഷിക്കുന്നതില്‍ സിസ്റ്റര്‍ റോസാക്ക് മുന്നില്‍ നിന്നു. യഹൂദര്‍ക്ക് ചെയ്ത സേവനത്തിന് യാദ് വാഷേമില്‍ നിന്ന് സിസ്റ്റര്‍ പ്രശംസ ഏറ്റുവാങ്ങി.
