സുഡാനിലെ ശത്രുക്കള്‍ ‘ആത്മീയധ്യാന’ത്തിനായി മാര്‍പാപ്പയോടൊത്തു ചേരും!
വത്തിക്കാന്‍: സുഡാന്‍ ലോകത്തിലെ ഏറ്റവും അശാന്തമായ സ്ഥലങ്ങളില്‍ ഒന്നാണ്. നാല് ലക്ഷത്തോളം പേരാണ് തെക്കന്‍ സുഡാനിലെ ആഭ്യന്തര യുദ്ധങ്ങളില്‍ ഇതുവരെ മരണമടഞ്ഞിട്ടുള്ളത്. സുഡാന്റെ ശത്രുപക്ഷങ്ങളിലുള്ള രണ്ടു നേതാക്കളെ ഫ്രാന്‍സിസ് പാപ്പാ വത്തിക്കാനിലേക്ക് ക്ഷണിച്ചിരിക്കുകയാണ്. ‘ആത്മീയ ധ്യാനം’ എന്നാണ് ഈ കൂടിക്കാഴ്ച അറിയപ്പെടുന്നത്.
തെക്കന്‍ സുഡാനീസ് പ്രസിഡന്റ് സാല്‍വ കീര്‍ഉം പ്രധാന പ്രതിപക്ഷ നേതാവും ആദ്യത്തെ വൈസ് പ്രസിഡന്റുമായ റീക്ക് മച്ചാറുമാണ് അടുത്ത ആഴ്ച വത്തിക്കാനില്‍ വച്ച് ഫ്രാന്‍സിസ് പാപ്പായുമായി കൂടിക്കാഴ്ച നടത്തുന്നത്.
ഇവരോടൊപ്പം തെക്കന്‍ സുഡാനിലെ മറ്റ് നാല് വൈസ് പ്രസിഡന്റുമാരും ഒത്തു ചേരുമെന്ന് പ്രതീക്ഷിക്കുന്നതായി റോയിട്ടേഴ്‌സ് റിപ്പോര്‍ട്ട് ചെയ്യുന്നു. സമാധനത്തിന്റെ പുത്തന്‍ പ്രതീക്ഷയിലേക്ക് ലോകം ആകാംക്ഷാപൂര്‍വമാണ് ഉറ്റുനോക്കുന്നത്.
