വിശുദ്ധ ജോൺ പോൾ പാപ്പായോടുള്ള നൊവേന ഒൻപതാം ദിവസം

പിതാവിന്റെയും പുത്രന്റെയും  പരിശുദ്ധാത്മാവിന്റെയും നാമത്തിൽ
ആമേൻ

ഒൻപതാം ദിവസത്തെ പ്രാർത്ഥന

എന്റെ രക്ഷകനായ ഈശോയെ, പാപങ്ങളെയും പാപസാചര്യങ്ങളെയും ഉപേക്ഷിക്കുവാനും ദൈവഹിതം തിരഞ്ഞെടുക്കുവാനും എന്നെ സഹായിക്കേണമേ. അതുവഴി വിശുദ്ധ ജോൺ പോൾ പാപ്പയെപ്പോലെയും സകല വിശുദ്ധരെപോലെയും സ്വർഗ്ഗത്തെലക്ഷ്യമാക്കിജീവിക്കുവാനും സ്വർഗ്ഗീയ വിരുന്നിൽ പങ്കുചേരാനും എനിക്കു സാധിക്കട്ടെ. ഈശോയെ അങ്ങയുടെ കൃപയിലും നന്മയിലും ആശ്രയിച്ചു വിശുദ്ധ ജോൺ പോൾ പാപ്പായുടെ മദ്ധ്യസ്ഥ തയാൽ ഇപ്പോൾ പ്രത്യാശപൂർവ്വം ഞങ്ങൾ അപേക്ഷിക്കുന്ന അനുഗ്രഹം…… ഞങ്ങൾക്ക് നൽകേണമേ. ആമ്മേൻ.

3സ്വർഗ്ഗ 3നന്മ 3ത്രിത്വ

നവനാൾ ജപം

സ്വർഗ്ഗീയ വരങ്ങളാൽ വി. ജോൺ പോൾ രണ്ടാമനെ/ അലങ്കരിക്കുവാൻ തിരുമനസ്സായ ദൈവമേ / അങ്ങയുടെ തിരുസുതനായ /ഈശോമിശിഹാ യുടേയും / മാതാവും കന്യകയുമായ /മറിയത്തിന്റേയും / നീതിമാനായ മാർ യൗസേപ്പിന്റെയും / വിശുദ്ധരുടെയും / രക്തസാക്ഷികളുടെയും/നീതിമാന്മാരുടെയും / സുകൃതങ്ങളും പ്രാർത്ഥനകളും പരിഗണിച്ച് /ബലഹീനരും പാപികളുമായ / ഞങ്ങളുടെ യാചനകളും പ്രാർത്ഥ നകളും / കരുണാപൂർവ്വം സ്വീകരിക്കണമേ. അങ്ങയെ പ്രസാദിപ്പിച്ച വിശുദ്ധ ജോൺ പോളിന്റെ / മദ്ധ്യസ്ഥതയാൽ
ഞങ്ങൾ യാചിക്കുന്ന / പ്രത്യേക അനുഗ്രഹം / (മൗനമായി പറയുക) ഞങ്ങൾക്കു നൽകി /ഞങ്ങളെയും /ഞങ്ങളുടെ കുടുംബാംഗങ്ങളെയും ബന്ധുമിത്രാദികളെയും ഈ നൊവേനയിൽ / പങ്കെടുത്ത് പ്രാർത്ഥിക്കുന്ന എല്ലാവരെയും അനുഗ്രഹിക്കണമേ ആമേൻ.

സമാപനപ്രാർത്ഥന

ദൈവമേ സർവ്വശക്തനായ പിതാവേ, വിശുദ്ധ ജോൺ പോൾ രണ്ടാമന്റെ മദ്ധ്യസ്ഥതയാൽ ആത്മീയവും ശാരീരികവും മാനസികവുമായി ക്ലെശങ്ങൾ അനുഭവിക്കുന്നവരെ സമൃദ്ധമായി അനുഗ്രഹിക്കണമേ. രോഗികൾക്ക് സൗഖ്യവും മാനസികമായി ബുദ്ധിമുട്ടുന്നവർക്ക് സമാശ്വാസവും നൽകേണമേ നമ്മുടെ കർത്താവ് ഇശോമിശിഹായുടെ കൃപയും പിതാവായ ദൈവത്തിന്റെ സ്നേഹവും പരിശുദ്ധത്മാവിന്റെ സഹവാസവും നമ്മുടെ സ്വർഗീയ മദ്ധ്യസ്ഥനായ വിശുദ്ധ ജോൺ പോൾ പാപ്പായുടെ അപേക്ഷകളാൽ നാം എല്ലാവരോടും കൂടെ ഉണ്ടായിരിക്കട്ടെ. ഇപ്പോഴും +എപ്പോഴും +എന്നേക്കും.
ആമേൻ.

മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.