വി. സ്റ്റീഫന്‍ നമ്മെ പഠിപ്പിച്ചത് ക്ഷമയുടെ പാഠം: ഫ്രാന്‍സിസ് പാപ്പാ
വത്തിക്കാന്‍: ക്ഷമയുടെ വലിയ പാഠമാണ് വി. സ്റ്റീഫന്‍ ലോകത്തെ പഠിപ്പിച്ചതെന്ന് ഫ്രാന്‍സിസ് പാപ്പാ. വിശുദ്ധ സ്റ്റീഫന്റെ തിരുനാള്‍ ദിന ദിവ്യബലിയില്‍ സംസാരിക്കുകയായിരുന്നു അദ്ദേഹം.
‘ദൈവാശ്രയത്തിന്റെയും ക്ഷമയുടെയും വലിയ മാതൃക നമുക്ക് കാണിച്ചു തന്നു കൊണ്ടാണ് സ്റ്റീഫന്‍ രക്തസാക്ഷിത്വം വഹിച്ചത്. ക്ഷമ നമ്മുടെ ഹൃദയങ്ങളെ വിശാലമാക്കുന്നു, പങ്കുവയ്ക്കാന്‍ സഹായിക്കുന്നു. ശാന്തിയും സ്വച്ഛതയും നല്‍കുന്നു’ പാപ്പാ പറഞ്ഞു.
തന്റെ പീഡകരോട് പോലും ക്ഷമിച്ചു കൊണ്ട് വലിയ ക്രിസ്തീയ മാതൃക പ്രദര്‍ശിപ്പിച്ച വിശുദ്ധനാണ് സ്റ്റീഫന്‍ എന്ന് പാപ്പാ ഓര്‍മപ്പെടുത്തി. സന്തോഷപൂര്‍വം രക്തസാക്ഷിത്വം ഏറ്റെടുത്ത മഹദ് വ്യക്തിയാണ് അദ്ദേഹം, പാപ്പാ കൂട്ടിച്ചേര്‍ത്തു.
