ഇന്നത്തെ വിശുദ്ധന്‍: വി. സ്റ്റനിസ്ലാവുസ്
പോളണ്ടിലെ ക്രാക്കോവിന് സമീപമുള്ള ഷെപ്പാനോയില്‍ 1030 ജൂലൈ 26 ന് ജനിച്ച സ്റ്റനിസ്ലാവുസ് പുരോഹിനാവുകയും വൈകാതെ ക്രാക്കോവിലെ ആര്‍ച്ച്ബിഷപ്പിന്റെ ആര്‍ച്ച്ഡീക്കനായി ഉയര്‍ത്തപ്പെടുകയും ചെയ്തു. 1072 ല്‍ അദ്ദേഹം ക്രാക്കോവിലെ മെത്രാനായി. അദ്ദേഹത്തിന്റെ പ്രഭാഷണങ്ങള്‍ അനേകരുടെ ഹൃദയങ്ങളെ സ്പര്‍ശിക്കുകയും നിരവധി പേര്‍ മാനസാന്തപ്പെടുകയും ചെയ്തു. ധീരനായിരുന്ന സ്റ്റനിസ്ലാവുസ് രാജാവിന്റെ തിന്മകള്‍ക്കെതിരെ സംസാരിക്കാന്‍ മടിച്ചില്ല. അനീതി പരമായ യുദ്ധങ്ങളെ അദ്ദേഹം എതിര്‍ത്തു. കോപാകുലനായ രാജാവ് വിശുദ്ധനെ കൊല്ലാന്‍ അനുചരന്മാരോട് ആജ്ഞാപിച്ചു. അവര്‍ അതിന് മടിച്ചു നിന്നപ്പോള്‍ രാജാവ് സ്വന്തം കൈ കൊണ്ട് വിശുദ്ധനെ വധിച്ചു.
