രാജകുമാരനല്ല, ദാസനാകണം മെത്രാനെന്ന് ഫ്രാന്‍സിസ് പാപ്പാ
വത്തിക്കാന്‍: മെത്രാന്‍മാര്‍ രാജകുമാരന്മാരല്ല, ദൈവത്തിന്റെയും ദൈവജനത്തിന്റെയും എളിയവരും ശാന്തരുമായ ദാസന്മാര്‍ ആയിരിക്കണം എന്ന് ഫ്രാന്‍സിസ് പാപ്പാ. കാസ സാന്ത മരിയയില്‍ വി. കുര്‍ബാന അര്‍പ്പിച്ചു സംസാരിക്കുകയായിരുന്നു, അദ്ദേഹം.
വി. പൗലോസ് തീത്തൂസിന് എഴുതിയ ലേഖനം വായിച്ച് വ്യാഖ്യാനിച്ചു കൊണ്ടാണ് ആരാണ് ഒരു മെത്രാന്‍ എന്ന് മാര്‍പാപ്പാ വിശദീകരിച്ചത്.
മെത്രാന്‍ ദൈവത്തിന്റെ കാര്യനിര്‍വാഹകനായിരിക്കണം, ധനത്തിന്റെ കാര്യനിര്‍വാഹകനാകരുത് എന്ന് പാപ്പാ മുന്നറിയിപ്പ് നല്‍കി. ധനത്തിന്റെയോ അധികാരത്തിന്റെയോ സ്വാര്‍ത്ഥ താല്പര്യങ്ങളുടെയോ സേവകനാകരുത്, ദൈവത്തിന്റെ താല്പര്യങ്ങളാണ് മെത്രാന്‍ ശ്രദ്ധിക്കേണ്ടതും അനുവര്‍ത്തിക്കേണ്ടതും, പാപ്പാ ഓര്‍മിപ്പിച്ചു.
ഞാന്‍ ദൈവത്തിന്റെ കാര്യങ്ങള്‍ നോക്കുന്നവനാണോ അതോ ബിസിനസ് കാര്യങ്ങള്‍ നോക്കുന്നവനോ എന്ന് ഓരോ നിമിഷവും ഒരു മെത്രാന്‍ ആത്മപരിശോധന നടത്തണം എന്നും പരിശുദ്ധ പിതാവ് ആവശ്യപ്പെട്ടു.
