മണലില്‍ നിന്നുയരുന്നു വത്തിക്കാനിലെ പുല്‍ക്കൂട്!
വത്തിക്കാന്‍: ദൈവം ആദിമനുഷ്യനെ സൃഷ്ടിച്ചതു പോലെ വത്തിക്കാനില്‍ പൂല്‍ക്കൂട്ടിലെ രൂപങ്ങള്‍ ഉയരുകയാണ്. വത്തിക്കാനിലെ പുല്‍ക്കൂട് അലങ്കരിക്കാനുള്ള വിശുദ്ധ രൂപങ്ങള്‍ മണലില്‍ നിന്ന് നിര്‍മിക്കാന്‍ ഒരുങ്ങുകയാണ്. തിരുപ്പിറവി രംഗം മുഴുവനുമായി മണല്‍ കൊണ്ട് ആവിഷ്‌കരിക്കുന്ന ഈ സംരംഭം ജെസോളോ സാന്‍ഡ് നേറ്റിവിറ്റി രംഗം എന്നാണ് അറിയപ്പെടുന്നത്.
700 ടണ്‍ മണലാണ് പുല്‍ക്കൂട്ടിലെ രൂപങ്ങള്‍ നിര്‍മിക്കാന്‍ വേണ്ടി ഇറക്കുമതി ചെയ്തിരിക്കുന്നത്. ഈ മണലില്‍ നിന്ന് ഉടനെ കമനീയമായ ശില്പങ്ങള്‍ പിറവിയെടുക്കും.
2017 ല്‍ വെനീസിലെ ജെസോളോ എന്ന സ്ഥലത്തെ മേയറാണ് ഈ ആശയം വെനീസ് പാത്രിയര്‍ക്കീസിന് സമര്‍പ്പിച്ചത്. അങ്ങനെയാണ് ഈ സംരംഭത്തിന് ജെസോളോ സാന്‍ഡ് നേറ്റിവിറ്റി എന്ന്ു പേര് വന്നത്.
