റവ. ഡോ. ജോസ് പുതിയേടത്ത് വികാരി ജനറാൾ
കൊച്ചി: എറണാകുളം-അങ്കമാലി അതിരൂപത വികാരി ജനറാളായി (പ്രോട്ടോ സിഞ്ചല്ലൂസ്) റവ. ഡോ. ജോസ് പുതിയേടത്ത് ചുമതലയേറ്റു. മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരിയാണു നിയമനം നടത്തിയത്. പ്രോ പ്രോട്ടോ സിഞ്ചല്ലൂസ് ആയ റവ ഡോ. വർഗീസ് പൊട്ടയ്ക്കലിനു പകരമാണു പുതിയ നിയമനം.
നിലവിൽ ആലുവ സെന്‍റ് ഡൊമിനിക് പള്ളി വികാരിയായ റവ. ഡോ. ജോസ് പുതിയേടത്ത് നേരത്തെ അതിരൂപതയിൽ ചാൻസലർ, വിശ്വാസ പരിശീലനം-ബൈബിൾ അപ്പസ്തോലേറ്റ് വിഭാഗങ്ങളുടെ ഡയറക്ടർ, സീറോ മലബാർ വിശ്വാസ പരിശീലന കമ്മീഷൻ സെക്രട്ടറി, എറണാകുളം, തൃപ്പൂണിത്തുറ ഫൊറോനകളുടെയും വിവിധ ഇടവകകളുടെയും വികാരി എന്നീ ചുമതലകൾ നിർവഹിച്ചിട്ടുണ്ട്.
ചേർത്തല തൈക്കാട്ടുശേരി ഇടവകാംഗമാണ്. റോമിലെ സലേഷ്യൻ പൊന്തിഫിക്കൽ യൂണിവേഴ്സിറ്റിയിൽനിന്നു വിശ്വാസപരിശീലന ദൈവശാസ്ത്രത്തിൽ ഡോക്ടറേറ്റ് നേടി.
