സദുദ്യേശപരമായ വിമര്‍ശനം നല്ലതാണ്: ഫ്രാന്‍സിസ് പാപ്പാ
വത്തിക്കാന്‍: നല്ല ഉദ്ദേശത്തോടെയുള്ള വിമര്‍ശനങ്ങളെ താന്‍ സ്വാഗതം ചെയ്യുന്നുവെന്ന് ഫ്രാന്‍സിസ് പാപ്പാ. മഡഗാസ്‌കര്‍ സന്ദര്‍ശനം കഴിഞ്ഞ് റോമിലേക്കുള്ള മടക്കയാത്രയ്ക്കിടയിലാണ് പാപ്പാ തന്റെ അഭിപ്രായം വ്യക്തമാക്കിയത്.
‘വിമര്‍ശനങ്ങളില്‍ ഞാന്‍ ചില ഗുണങ്ങള്‍ കാണുന്നു. ചിലപ്പോള്‍ വിമര്‍ശനങ്ങള്‍ കേട്ട് നമുക്ക് കോപം വരും. എങ്കിലും അതിന് അതിന്റേതായ നന്മകളും ഗുണങ്ങളുമുണ്ട്. നല്ല വിമര്‍ശനങ്ങള്‍ എപ്പോഴും നന്നായി സ്വീകരിക്കപ്പെടുന്നു, കുറഞ്ഞ പക്ഷം ഞാന്‍ അങ്ങനെ ചെയ്യാറുണ്ട്’ പാപ്പാ പറഞ്ഞു.
