കര്‍ത്താവില്‍ ആശ്രയിക്കാം, അവിടുത്തെ പിന്‍പേ ചരിക്കാം
മനുഷ്യൻ അവൻ്റെ സ്വഭാവത്താൽത്തന്നെ അക്ഷമനാണ്.ചോദിക്കുന്ന കാര്യങ്ങൾ ഉടനെ കിട്ടണമെന്നാണ് അവൻ്റെ ആഗ്രഹം.ലഭിച്ചില്ലെങ്കിൽ അവൻ അസ്വസ്ഥനും നിരാശനുമാകും. അവൻ്റെ വിശ്വാസവും ക്ഷയിച്ചു പോകും.ഓരോ അനുഗ്രഹവും മനുഷ്യനു നല്കുവാനായി ദൈവം കണ്ടെത്തിയിരിക്കുന്ന ഒരു സമയമുണ്ട്.ആ സമയം വരെ ക്ഷമാപൂർവ്വം കാത്തിരിക്കുന്ന ഒരു വിശ്വാസിക്ക് അവിടുന്ന് തൻ്റെ സമയത്ത് നൽകുന്നഅനുഗ്രഹങ്ങൾവിസ്മയാവഹമാണ്.മനുഷ്യനു മുൻപേ നടന്ന് അവൻ്റെ പാതകളെ നേരെയാക്കുന്ന ഒരു ദൈവമാണ് നമ്മുടേത്. അതിനാൽ പ്രശ്നങ്ങളിൽ നിന്ന് മുഖമുയർത്തി പ്രശ്ന പരിഹാരത്തിലേക്കു നോക്കുകയാണ് സർവ്വ പ്രധാനമായ കാര്യം.കർത്താവിൽ പൂർണമായി ആശ്രയിക്കുന്നവർ ഒരു കാലത്തും ലജ്ജിക്കേണ്ടി വരുകയില്ല.
മനുഷ്യൻ പകച്ച് വീണുപോകുന്ന പ്രതിബന്ധങ്ങളാകുന്ന കോട്ടകൾ ദൈവം മുമ്പിൽ പോകുമ്പോൾ തകർന്ന് തരിപ്പണമാകും.ദൈവത്തെ പൂർണമായും വിശ്വസിച്ചു കൊണ്ട് അനുഗമിക്കുന്ന ഒരു വിശ്വാസിയുടെ ജീവിതയാത്ര എത്രയോ ആയാസരഹിതവും ആനന്ദകരവുമാണ്.
“നിങ്ങൾ തിടുക്കം കൂട്ടേണ്ട. വേഗം ഓടുകയും വേണ്ട.
കർത്താവ് നിങ്ങളുടെ മുമ്പിൽ നടക്കും.”
( ഏശയ്യ 52 : 12 )
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
