മരിച്ച ഡോക്ടറുടെ വീട്ടില്‍ 2000 ത്തിലേറെ കൊല്ലപ്പെട്ട ഭ്രൂണങ്ങള്‍
ഇല്ലിനോയ്‌സ്: സെപ്തംബര്‍ 3 ന് മരണമടഞ്ഞ ഡോക്ടര്‍ ഉള്‍റിക്ക് ക്ലോഫറുടെ വീട്ടില്‍ നിന്ന് 2000 ത്തിലേറെ അബോര്‍ട്ട് ചെയ്യപ്പെട്ട ഭ്രൂണങ്ങളെ കണ്ടെത്തി. ഇതിനെ തുടര്‍ന്ന് പോലീസ് അന്വേഷണത്തിന് ഉത്തരവിട്ടു.
ഡോക്ടര്‍ മരണമടഞ്ഞതിന്റെ ഒന്‍പതാം ദിവസം അദ്ദേഹത്തിന്റെ കുടുംബത്തിലെ ഒരു അറ്റോര്‍ണി ഡോക്ടറുടെ വീട്ടില്‍ ഭ്രൂണഹത്യകളുടെ അവശിഷ്ടങ്ങള്‍ കണ്ടെത്തിയതായി വില്‍ കണ്‍ട്രിയിലെ കോറോണറുടെ ഓഫീസില്‍ വിളിച്ച് അറിയിക്കുകയായിരുന്നു. 2,246 ഭ്രൂണങ്ങളാണ് ആകെ ഉണ്ടായിരുന്നത്.
ഇല്ലിനോയ്‌സിലെ ഡോക്ടറുടെ വീട്ടില്‍ ഭ്രൂണഹത്യകള്‍ നടന്നിരുന്നോ എന്നതിന് വ്യക്തമായി തെളിവുകളില്‍ ഇല്ലെന്ന് അധികാരികള്‍ പറയുന്നു. എന്നാല്‍ നിരവധി നിയമവിരുദ്ധ പ്രവര്‍ത്തനങ്ങളുടെ പേരില്‍ ഡോക്ടര്‍ ക്ലോഫറുടെ മെഡിക്കല്‍ ലൈസന്‍സ് 2016 ല്‍ റദ്ദ് ചെയ്തതാണ്.
