വി. ലൂക്കാ സുവിശേഷകന്‍
ലൂക്കായുടെ സുവിശേഷത്തന്റെയും അപ്പസ്‌തോലരുടെ നടപടിയുടെ കര്‍ത്താവാണ് വി. ലൂക്കാ. അദ്ദേഹം ഒരു വിജാതീയനും വൈദ്യനുമായിരുന്നു. സുവിശേഷകന്മാരില്‍ യഹൂദനല്ലാത്ത ഒരേയൊരുളും ലൂക്കാ ആയിരുന്നു. പാരമ്പര്യം പറയുന്നത് ലൂക്ക അന്ത്യോക്യക്കാരനായിരുന്നു എന്നാണ്. എന്റെ പ്രിയപ്പെട്ട വൈദ്യന്‍ എന്നാണ് വി. പൗലോസ് ലൂക്കായെ വിശേഷിപ്പിക്കുന്നത്. ഏഡി 70 – 85 കാലഘട്ടത്തിലാണ് ലൂക്കായുടെ സുവിശേഷം എഴുതപ്പെട്ടത് എന്ന് അനുമാനിക്കപ്പെടുന്നു. പൗലോസിന്റെ സഹയാത്രികനായി നാം ലൂക്കായെ കാണുന്നു. റോമിലേക്കുള്ള അപകടകരമായ യാത്രയില്‍ വിശ്വസ്ത സഹചരനായി ലൂക്കാ പൗലോസിനൊപ്പം ഉണ്ടായിരുന്നു. കരുണയുടെ സുവിശേഷം, ദരിദ്രരുടെ സുവിശേഷം, സാര്‍വത്രിക രക്ഷയുടെ സുവിശേഷം, സന്തോഷത്തിന്റെ സുവിശേഷം എന്നെല്ലാം ലൂക്കായുടെ സുവിശേഷം അറിയപ്പെടുന്നു.
