ബെല്‍ജിയത്തില്‍ നിന്നൊരു മരിയഭക്തി
ഔവര്‍ ലേഡി ഓഫ് കുയെന്‍ എന്നറിയപ്പെടുന്ന മരിയഭക്തിയുടെ ഉത്ഭവം ബെല്‍ജിയമാണ്. കുയെന്‍ ബെല്‍ജിയത്തിലെ ബ്രസല്‍സിന് സമീപമാണ് സ്ഥിതി ചെയ്യുന്നത്.
ജനം ദുരിതമനുഭവിച്ചിരുന്ന ഒരു കാലമായിരുന്നു അത്. വിളകള്‍ മോശമായിരുന്നു. പോരാതെ രോഗദുരിതങ്ങളും. മനസ്സു തകര്‍ന്ന ജനങ്ങള്‍ കുയെനിലെ ചെറിയ മരിയന്‍ കപ്പേളയിലെത്തി തങ്ങളുടെ ആശ്രയമായ മാതാവിന്റെ സന്നിധിയില്‍ അഭയം തേടി.
പെട്ടെന്ന് കപ്പേളയില്‍ പ്രതിഷ്ഠിച്ചിരുന്ന മരിയന്‍ രൂപം പുഞ്ചിരി തൂകി. ആ സ്ഥലത്ത് മാതാവിനോടുള്ള ബഹുമാനാര്‍ത്ഥം ഒരു പള്ളി പണിയാന്‍ അവരോട് അമ്മ ആവശ്യപ്പെട്ടു. എവിടെ എങ്ങനെ പള്ളി പണിയണം എന്ന കൃത്യമായ നിര്‍ദേശങ്ങള്‍ അടുത്ത ദിവസം താന്‍ നല്‍കാം എന്ന് മാതാവ് വാക്ക് കൊടുത്തു. അപ്രകാരം നല്‍കിയ അടയാളങ്ങള്‍ ഇന്നും ആ പള്ളിയില്‍ കാണാം.
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
