അഞ്ചാം സുവിശേഷം

നാല് സുവിശേഷങ്ങളും മറച്ചു പിടിക്കാൻ നിയമങ്ങൾക്കും കാലത്തിൻ്റെ അധിപന്മാർക്കും കല്പനയിടാം.
പക്ഷേ… അഞ്ചാം സുവിശേഷം ഞാനാണ്.അത് മറച്ചു പിടിക്കുക എനിക്ക് പോലും സാധ്യമല്ല.

എന്താണ് ഈ അഞ്ചാം സുവിശേഷം?

അത് നമ്മുടെ ജീവിതമാണ്.
എല്ലാവർക്കും എപ്പോഴും എളുപ്പം വായിക്കാവുന്നത്.

നാല് സുവിശേഷകന്മാർ
ദൈവത്തിൻ്റെ വെളിപ്പെടുത്തലുകൾ അവരുടെ തൂലികയിലൂടെ എഴുതി വച്ചു.
ജീവിതം കൊണ്ട് അതവർ ശരിവച്ചു.

അഞ്ചാം സുവിശേഷം ഞാനെഴുതണം. ജീവിതം കൊണ്ട്.
നമ്മുടെ അനുദിന ജീവിതത്തിൽ എവിടെയും നമുക്ക് യേശുവിനെ കൊടുക്കാം.
സുവിശേഷം പകരാൻ വാക്കുകളുടെ വിന്യാസമല്ല ആവശ്യം.
ഓരോ ആത്മാവിനോടും തോന്നുന്ന ഹൃദയത്തിലെ അഗാധ സ്നേഹമാണ്.

നരകം വിറകൊള്ളുന്നത് ക്രൂശിതൻ്റെ സ്നേഹത്തിലാണ്.
ഇന്നും ആ സ്നേഹത്തിനേ ഹൃദയങ്ങളെ നേടാൻ കഴിയൂ.
അഞ്ചാം സുവിശേഷം നെഞ്ചകത്തിലും സ്നേഹത്തിൻ്റെ സുവിശേഷം ചുണ്ടിലും സൂക്ഷിക്കാൻ ……
“ക്രിസ്തുവിൻ്റെ സ്നേഹം എന്നെയും നിന്നെയും നിർബന്ധിക്കുന്നു.”
( 2 :കോറിന്തോസ് 5 :14 )

“നശിച്ചുപോകുന്ന ആത്മാക്കളെക്കുറിച്ച് നിനക്ക് വേദനയുണ്ടോ…?
എങ്കിൽ നിനക്ക് സുവിശേഷ വേലയ്ക്കുള്ള വിളിയുണ്ട്. ”
അനുദിന ജീവിതത്തിൽ എവിടെയും നമുക്ക് യേശുവിനെ കൊടുക്കാം.
” വചനം പ്രസംഗിക്കുക; സാഹചര്യങ്ങൾ അനുകൂലമാണെങ്കിലും അല്ലെങ്കിലും.
ജാഗരൂകതയോടെ വർത്തിക്കുക.”
( 2 തിമോത്തിയോസ് 4 :2 )

കഷ്ടത സഹിക്കാനുള്ള മനസില്ലാത്തതുകൊണ്ടാണ് ചിലരുടെ സുവിശേഷ ജീവിതം കൂമ്പടഞ്ഞു പോകുന്നത്. ക്രിസ്തു നിനക്ക് പ്രിയപ്പെട്ടതെങ്കിൽ അവനെ മറച്ചു പിടിക്കാനാവില്ല നിനക്ക്.

സുവിശേഷ വേലയ്ക്കുള്ള സാഹചര്യം നോക്കി ആയുസിൻ്റെ ദിനങ്ങൾ തള്ളിക്കളയുന്നവരുണ്ട്.
പ്രതികൂല സാഹചര്യങ്ങളെ പഴിച്ച് ക്രിസ്തുവിന് സാക്ഷ്യം നൽകാതെ ആയുസ്സിൻ്റെ ദിനങ്ങൾ തള്ളി മാറ്റുന്നവർ..,
അനുകൂല സാഹചര്യങ്ങളിൽ അവനായി നിലകൊള്ളുമെന്ന് ഒരു ഉറപ്പുമില്ല.

എല്ലാം അനുകൂലമായിട്ടല്ല സുവിശേഷവേല
ചെയ്യണ്ടത്.
ജീവിത മരുഭൂമിയാത്രയിൽ ഒരു ചെങ്കടൽ മുൻപിൽ സൃഷ്ടിച്ചവൻ തന്നെയാണ് അതു കടക്കാനുള്ള വിശ്വാസ വീര്യം നെഞ്ചിൽ പകരുന്നതും.
നിനക്ക് ക്രിസ്തുവിനായി ഒരു മനസുണ്ടോ?
അവനെ പകർന്നു കൊടുക്കുവാൻ വഴികൾ ഏറെയാണ്.
“നിങ്ങളുടെ സമയം പൂർണമായും പ്രയോജനപ്പെടുത്തുവിൻ.”
( എഫേസോസ് 5 : 16 )

“മനുഷ്യനു വേണ്ടിയല്ല, കർത്താവിനു വേണ്ടി എന്ന പോലെ ” ചെയ്തെങ്കിലേ മടുപ്പുകൂടാതെ ഇതു നിർവഹിക്കാനാകൂ.
( എഫേസോസ് 6 : 7 )

~ Jincy santhosh ~


മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.

മരിയൻ ടൈംസിന്റെ വാട്സാപ്പ് ഗ്രൂപ്പിലേക്ക് സ്വാഗതം . നിങ്ങൾ വാട്സാപ്പ് ഗ്രൂപ്പിൽ അംഗമായി കഴിയുമ്പോൾ ഓരോ ദിവസത്തെയും അപ്ഡേറ്റുകൾ നിങ്ങൾക്ക് ലഭിക്കുന്നതാണ്

വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക

മരിയന്‍ ടൈംസില്‍ പ്രസിദ്ധീകരിക്കുന്ന വാര്‍ത്തകളും ലേഖനങ്ങളും വീഡിയോകളും മരിയന്‍ ടൈംസിന്റെ മൊബൈല്‍ ആപ്പിലൂടെ നിങ്ങള്‍ക്ക് നേരിട്ട് ലഭിക്കും.

ആന്‍ഡ്രോയിഡ് ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക

ഐഓഎസ് ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക

Realated articles