ഡോ. ജെയിംസ് റാഫേല്‍ ആനാപറമ്പില്‍ ആലപ്പുഴ രൂപതയുടെ പുതിയ മെത്രാന്‍

ആലപ്പുഴ: ആലപ്പുഴ ലത്തീന്‍ കത്തോലിക്കാ രൂപതയുടെ പുതിയ മെത്രാനായ ഡോ. ജെയിംസ് റാഫേല്‍ ആനാപറമ്പില്‍ സ്ഥാനമേറ്റു. ആലപ്പുഴ രൂപതയുടെ നാലമത്തെ മെത്രാനാണ് അദ്ദേഹം. മുന്‍ മെത്രാന്‍ സ്റ്റീഫന്‍ അത്തിപ്പൊഴിയില്‍ വിശ്രമജീവിതത്തിലേക്ക് പ്രവേശിച്ചതിനാലാണ് പുതിയ നിയമനം. ഒക്ടോബര്‍ 11 നാണ് ഇതു സംബന്ധിച്ച് വത്തിക്കാനില്‍ നിന്ന് ഔദ്യോഗിക പ്രഖ്യാപനം ഉണ്ടായത്.

1962 മാര്‍ച്ച് 7 ന് ജനിച്ച ഡോ. ജെയിംസ് റാഫേല്‍ ആനാപറമ്പില്‍ 1986 ഡിസംബര്‍ 17 ന് പൗരോഹിത്യം സ്വീകരിച്ചു. റോമിലെ ഉര്‍ബാനിയ യൂണിവേഴ്‌സിറ്റിയില്‍ നിന്ന് ബിബ്ലിക്കല്‍ തിയോളജയില്‍ ഡോക്ടറേറ്റും ഗ്രിഗോറിയന്‍ യൂണിവേഴ്‌സിറ്റിയില്‍ നിന്ന് യഹൂദ പഠനത്തില്‍ ഡോക്ടറല്‍ മാസ്‌റ്റേഴ്‌സ് ബിരുദവും നേടിയിട്ടുണ്ട്. 1998 – 2009 കാലയളവില്‍ ആലുവ സെന്റ് ജോസഫ് പൊന്തിഫിക്കല്‍ സെമിനാരിയില്‍ അധ്യാപകനായിരുന്നു.