വാഴ്ത്തപ്പെട്ട റാണി മരിയയുടെ തിരുനാള്‍ ഇന്ന്

ഇന്‍ഡോറില്‍ ക്രൈസ്തവ സ്‌നേഹിത്തിന്റെ സാക്ഷ്യമായി അക്രമിയുടെ കുത്തേറ്റു വീണ് രക്തസാക്ഷിത്വം വഹിച്ച വാഴ്ത്തപ്പെട്ട സി. റാണി മരിയയുടെ തിരുനാള്‍ ഇന്ന് ഫെബ്രുവരി 25 ന്. റാണി മരിയയുടെ സ്വദേശമായ പെരുമ്പാവൂര്‍ പുല്ലുവഴിയിലെ സെന്റ് തോമസ് പള്ളിയില്‍ ആഘോഷമായ തിരുനാള്‍ ആചരണം നടക്കുന്നു.

‘അപരിചിതരോട് സ്‌നേഹം കാണിക്കണം എന്ന ക്രൈസ്തവമായ കാഴ്ചപ്പാടിന്റെ ഉത്തമ ഉദാഹരണമാണ് സി. റാണി മരിയയുടെ ജീവിതം’ എന്ന് കര്‍ദിനാള്‍ ജോര്‍ജ് ആലഞ്ചേരി പുല്ലുവഴി പള്ളിയില്‍ നടത്തിയ പ്രസംഗത്തില്‍ പറഞ്ഞിരുന്നു. ഫെബ്രുവരി 16 ന് തിരുനാളിനൊരുക്കമായുള്ള നൊവേനയും പുല്ലുവഴി സെന്റ് തോമസ് പള്ളിയില്‍ ആരംഭിച്ചിരുന്നു.

24 വര്‍ഷങ്ങള്‍ക്കു മുമ്പ് മധ്യപ്രദേശിലെ ഇന്‍ഡോറില്‍ വച്ച് അക്രമിയുടെ 54 കുത്തുകളേറ്റാണ് സി. റാണി മരിയ മരണം വരിച്ചത്. ഫ്രാന്‍സിസ്‌കന്‍ ക്ലാരിസ്റ്റ് സഭാംഗമായ സി. റാണി മരിയയെ 2017 നവംബര്‍ 4 നാണ് വാഴ്ത്തപ്പെട്ടവരുടെ ഗണത്തിലേക്ക് ഉയര്‍ത്തിയത്.