രോഗീലേപന കൂദാശ നവീകരിക്കേണ്ട ആവശ്യമുണ്ടോ?

അധ്യായം മൂന്ന്
മറ്റുകൂദാശകളും കൂദാശാനുകരണങ്ങളും
(തുടര്‍ച്ച)

ഖണ്ഡിക – 70
തൈലാഭിഷേകകൂദാശയുടെ നവീകരണം

പെസഹാക്കാലത്തിനു പുറത്ത്, മാമ്മോദീസക്രമത്തിൽ അംഗീകരിച്ചിരിക്കുന്ന ചെറിയ ക്രമത്തിൽത്തന്നെ മാമ്മോദീസാ വെള്ളം വെഞ്ചരിക്കാവുന്നതാണ്.

ഖണ്ഡിക – 71
സൈര്യലേപനകർമകമവും ഈ കൂദാശയ്ക്ക് ക്രിസ്തീയ പ്രവേശാനുഷ്ഠാനത്തോടു മുഴുവനും ആഴത്തിലുള്ള ബന്ധം കൂടുതൽ വ്യക്തമാകത്തക്കവിധം പരിഷ്കരിക്കേണ്ടതാണ്. അതുകൊണ്ട്, മാമ്മോദീസായുടെ വതവാഗ്ദാനം ഈ കൂദാശയുടെ സ്വീകരണത്തിനുമുമ്പ് യഥോചിതം നടത്തേണ്ടതാണ്. സൈര്യലേപനം സൗകര്യമുള്ളപ്പോൾ കുർബാനമദ്ധ്യേ നടത്താവുന്നതാണ്. കുർബാനയ്ക്കുപുറത്തു നടത്തുമ്പോൾ ഉപയോഗിക്കാനുള്ള ഒരു പ്രാരംഭശുശ്രൂഷയുടെ ക്രമവും തയ്യാറാക്കുക പ്രധാനമാണ്.

ഖണ്ഡിക – 72
അനുതാപകൂദാശയുടെ നവീകരണം

അനുതാപകൂദാശയുടെ ക്രമവും രൂപവും കൂദാശയുടെ സ്വഭാവവും ഫലവും കൂടുതൽ വ്യക്തമായി പ്രകടിപ്പിക്കത്തക്കവിധം പുനഃക്രമവത്കരിക്കേണ്ടതാണ്.

ഖണ്ഡിക – 73
രോഗീലേപനകൂദാശയുടെ നവീകരണം

“രോഗീലേപനം” എന്ന പേരിൽ കൂടുതൽ ഭംഗിയായി വിളിക്കപ്പെടാവുന്ന “അന്ത്യലേപനം” മരണാസന്നർക്കുമാത്രമുള്ള കുദാശയല്ല. അതുകൊണ്ട്, അതു സ്വീകരിക്കേണ്ട യുക്തമായ സമയം, വിശ്വാസി രോഗമോ വാർദ്ധക്യമോ കാരണം മരണത്തിന്റെ അപകടത്തിലാകുമ്പോൾതന്നെ തീർച്ചയായും വന്നുകഴിഞ്ഞു.

ഖണ്ഡിക – 74
രോഗീലേപനത്തിനും തിരുപാഥേയത്തിനും പ്രത്യേകം പ്രത്യേകം ഉള്ള ക്രമങ്ങൾക്കു പുറമേ, കുമ്പസാരത്തിനുശേഷം തിരുപാഥേയസ്വീകരണത്തിനുമുമ്പ് രോഗിക്കു രോഗീലേപനം നല്കത്തക്കവിധമുള്ള തുടർച്ചയായ കർമക്രമം ഉണ്ടാക്കേണ്ടതാണ്.

ഖണ്ഡിക – 75
ലേപനങ്ങളുടെ എണ്ണം അവസരത്തിനൊത്തു ക്രമപ്പെടുത്താം. രോഗികളെ ലേപനം ചെയ്യുന്ന ക്രമത്തിന്റെ പ്രാർത്ഥനകൾ കൂദാശ സ്വീകരിക്കുന്ന രോഗികളുടെ വിവിധ രോഗാവസ്ഥയ്ക്കു ചേർന്നവിധം പുനഃക്രമവത്കരിക്കണം.

ഖണ്ഡിക – 76
തിരുപ്പട്ടകൂദാശയുടെ നവീകരണം

തിരുപ്പട്ടക്രമത്തിന്റെ ശുശ്രൂഷകളും പുസ്തകവും നവീകരിക്കണം. ഏതു തിരുപ്പട്ടത്തിന്റെയും അഭിഷേകത്തിന്റെയും പ്രാരംഭത്തിലുള്ള മെത്രാന്റെ ചോദ്യങ്ങൾ മാതൃഭാഷയിൽ ആക്കാവുന്നതാണ്. മെത്രാഭിഷേകത്തിൽ കൈവയ്പുശുശ്രൂഷ, സന്നിഹിതരായിട്ടുള്ള മെത്രാന്മാർക്കെല്ലാംകൂടി നിർവഹിക്കാവുന്നതാണ്.

(തുടരും)

മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.