ഇന്നത്തെ വിശുദ്ധന്‍: വി. അത്തനേഷ്യസ്
കത്തോലിക്കാ വിശ്വാസത്തിന്റെ കാവല്‍ക്കാരനും ആരിയനിസം എന്ന പാഷണ്ഡതയ്‌ക്കെതിരെ ശക്തമായി പട പൊരുതിയവനുമായ വി. അത്തനേഷ്യസ് ഈജിപ്തിലെ അലക്‌സാണ്‍ഡ്രിയയിലാണ് ജനിച്ചത്. വൈകാതെ അദ്ദേഹം അലക്‌സാണ്‍ഡ്രിയയിലെ മെത്രാനായി തീരുകയും ആരിയനിസം എന്ന പാഷണ്ഡതയോട് പോരാടുകയും ചെയ്തു. എന്നാല്‍ കാര്യങ്ങള്‍ എളുപ്പമായിരുന്നില്ല. കോണ്‍സ്റ്റന്റൈന്‍ ചക്രവര്‍ത്തിയാല്‍ നാടുകടത്തപ്പെട്ട അത്തനേഷ്യസ് വലിയ യാത്രാനുഭവങ്ങള്‍ നേടി. കോണ്‍സ്റ്റന്റൈനിന്റെ പുത്രന്‍ രാജാവായപ്പോള്‍ അദ്ദേഹം അത്തനേഷ്യസിനെ വീണ്ടും അലക്‌സാണ്‍ഡ്രിയയുടെ മെത്രാനായി അവരോധിച്ചു. ക്രിസ്തുവിന്റെ ദൈവത്വം സ്ഥാപിക്കുന്നതിനായി ഏറെ സഹിക്കുകയും പോരാടുകയും പ്രസംഗിക്കുകയും എഴുതുകയും ചെയ്ത അത്തനേഷ്യസ് അവസാനം വിജയം കണ്ടു. ലൈഫ് ഓഫ് സെന്റ് ആന്തണി അദ്ദേഹത്തിന്റെ പ്രസിദ്ധമായ ഗ്രന്ഥമാണ്.
