ഇന്നത്തെ വിശുദ്ധന്‍: സുവിശേഷകനായ വി. മര്‍ക്കോസ്‌
അപ്പസ്‌തോല പ്രവര്‍ത്തനങ്ങളിലാണ് നാം മര്‍ക്കോസിനെ കുറിച്ച് വായിക്കുന്നത്. പൗലോസിന്റെയും ബാര്‍ണബാസിന്റെയും കൂടെ അദ്ദേഹം പ്രേഷിതയാത്ര ചെയ്തുവെങ്കിലും പിന്നീട് തനിച്ച് ജെറുസലേമിലേക്ക് തിരികേ പോന്നു. പൗലോസുമായി എന്തോ അഭിപ്രായവ്യത്യാസം ഉണ്ടായി എന്നും എന്നാല്‍ പിന്നീട് ഇത് നീങ്ങിപ്പോയി എന്നുമാണ് നാം മനസ്സിലാക്കുന്നത്. സുവിശേഷങ്ങളില്‍ ആദ്യത്തേത് എന്നു വിശ്വസിക്കപ്പെടുന്ന മര്‍ക്കോസിന്റെ സുവിശേഷം എഴുതിയത് ഇദ്ദേഹമാണ്. വി. പത്രോസ് ആകട്ടെ മര്‍ക്കോസിനെ എന്റെ മകന്‍ എന്നാണ് വിശേഷിപ്പിക്കുന്നത്. ചിറകുള്ള സിംഹമാണ് മര്‍ക്കോസിന്റെ സുവിശേഷ ചിഹ്നം.
