പോളണ്ടില്‍ വീണ്ടും ഒരു വൈദികനു നേരെ ആക്രമണം
രണ്ടു മാസത്തിനുള്ള പോളണ്ടില്‍ വീണ്ടും ഒരു കത്തോലിക്കാ വൈദികന് നേരെ ആക്രണം. ഫാ. അലക്‌സാണ്ടര്‍ സെയ്ജുവിസ്‌കിയാണ് ആക്രണത്തിന് വിധേയനായത്.
68 കാരനായ ഫാ. അലക്‌സാണ്ടറിനെ സെന്റ് ജോണ്‍ ബാപ്റ്റിസ്റ്റ് പള്ളിയുടെ പിന്നിലെ മുറിയില്‍ വച്ച് അക്രമികള്‍ കുത്തി പരിക്കേല്‍പിക്കുകയായിരുന്നു.
ഫാ. അലക്‌സാണ്ടര്‍ വൈകിട്ട് 6 മണിക്കുള്ള വി. കുര്‍ബാന അര്‍പിച്ചു കൊണ്ടിരിക്കേ കപ്യാര്‍ സഹായത്തിനു വേണ്ടി വിളിച്ചു. അതു കേട്ട് പള്ളിമുറിയിലേക്ക് പോയ അച്ചനെ അക്രമികള്‍ ആക്രമിക്കുകയായിരുന്നു. അക്രമികള്‍ വൈദിക വസ്ത്രങ്ങള്‍ കൊള്ളയടിക്കാന്‍ ശ്രമിച്ചപ്പോഴാണ് താന്‍ അച്ചനെ സഹായത്തിനായി വിളിച്ചതെന്ന് കപ്യാര്‍ പറഞ്ഞു.
അക്രമികളോട് പുറത്തു പോകാന്‍ അച്ചന്‍ ആവശ്യപ്പെട്ടപ്പോള്‍ അവരില്‍ ഒരാള്‍ ദൈവദൂഷണം പറയാന്‍ ആരംഭിച്ചു. തുടര്‍ന്ന് അവര്‍ അച്ചനെയും കപ്യാരെയും ആക്രമിക്കുകയായിരുന്നു. ഫാ. അലക്‌സാണ്ടറിന് ശസ്ത്രക്രിയ ആവശ്യമാണ്.
