അശാന്തമായ ഡെല്‍ഹിയില്‍ പ്രാര്‍ത്ഥനാ റാലി
ന്യൂഡെല്‍ഹി: കലാപ കലുഷിതമായ അന്തരീക്ഷം നിലനില്‍ക്കുന്ന ഡെല്‍ഹിയില്‍ സമാധാനം പുനര്‍സ്ഥാപിക്കപ്പെടുന്നതിനായി ഡെല്‍ഹില്‍ വിവിധ മതനേതാക്കളുടെ നേതൃത്വത്തില്‍ പ്രാര്‍ത്ഥനാ റാലി സംഘടിപ്പിച്ചു. ഫെബ്രുവരി 26 നാണ് റാലി നടന്നത്.
പൗരത്വ ബില്ലിനെ അനുകൂലിക്കുന്നവരും പ്രതികൂലിക്കുന്നവരും തമ്മലുണ്ടായി ഏറ്റുമുട്ടലില്‍ ഇതുവരെ 34 പേരാണ് ഡെല്‍ഹിയില്‍ കൊല്ലപ്പെട്ടത്.
കത്തോലിക്കാ അതിരൂപതയുടെ സേക്രഡ് ഹാര്‍ട്ട് കത്തീഡ്രലില്‍ റാലിയില്‍ സംബന്ധിച്ചവര്‍ ഒരുമിച്ചു. കൂടി. സമാധാനത്തിന്റെയും അഹിംസയുടെയും പരസ്പര സ്‌നേഹത്തിന്റെയും പാത തെരഞ്ഞെടുക്കാന്‍ മതനേതാക്കള്‍ ആഹ്വാനം ചെയ്തു.
ഡെല്‍ഹിയുടെ വടക്കു കിഴക്കന്‍ പ്രദേശങ്ങളിലും ഉത്തര്‍ പ്രദേശ് അതിര്‍ത്തിയിലും ജീവന്‍ നഷ്ടപ്പെട്ടവരുടെ സ്മരണയ്ക്കു മുന്നില്‍ ഒരു മിനിറ്റ് മൗനം ആചരിച്ചു.
മുഖ്യ ഇമാം ഉമര്‍ അഹമദ് ഇല്യാസി, ഗുരുദ്വാര ചെയര്‍മാന്‍ ബംഗ്ല സാഹിബ് പരംജീത് സിംഗ് ചന്ദോക്ക്, ജൈന ഗുരു ആചാര്യ ലോകേ് മുനി, സ്വാമി പരമാനന്ദ, ഡെല്‍ഹി ആര്‍ച്ചുബിഷപ്പ് അനില്‍ ജെ കുട്ടോ എന്നിവര്‍ റാലിക്ക് നേതൃത്വം നല്‍കി.
