സ്വാര്ത്ഥമായ നിസംഗത എന്ന വൈറസിനെ സൂക്ഷിച്ചു കൊള്ളുക: ഫ്രാന്സിസ് പാപ്പാ
![](https://www.mariantimesworld.org/wp-content/uploads/2019/10/Papa_Misson-Day.jpg)
വത്തിക്കാന് സിറ്റി: കൊറോണ വൈറസിനേക്കാള് മാരകമായ വൈറസ് മനുഷ്യവംശത്തെ കടന്നാക്രമിക്കാന് സാധ്യതയുണ്ടെന്ന് ഫ്രാന്സിസ് പാപ്പാ. സ്വാര്ത്ഥത നിറഞ്ഞ നിസംഗതയാണ് ആ മാരക വൈറസ്. ദൈവകരുണയുടെ ഞായര് ദിവസം ദിവ്യബലിയര്പ്പിച്ച് സംസാരിക്കുകയായിരുന്നു പരിശുദ്ധ പിതാവ്.
കൊറോണ വൈറസ് രോഗ ബാധ അവസാനിക്കാന് വേണ്ടി കാത്തിരിക്കുന്ന നാം പാവങ്ങളുടെ കാര്യം മറന്നു പോകുന്നു എന്ന് പാപ്പാ ദുഖഭാരത്തോടെ പറഞ്ഞു.
‘സാവധാനത്തിലും ക്ലേശകരമായും ഈ മഹാമാരിയുടെ ശമനത്തിനായി നാം കാത്തിരിക്കുമ്പോള് ഒരു അപകടം പതിയിരിക്കുന്നുണ്ട്. പിന്നില് ഉപേക്ഷിക്കപ്പെട്ടവരെ നാം മറന്നു പോകുന്നു. കൊറോണയേക്കാള് മാരകമായ വൈറസിനാല് നാം ബാധിതരാകുന്നു. സ്വാര്ത്ഥപരമായ നിസംഗതയാണ് ആ വൈറസ്.’ പാപ്പാ പറഞ്ഞു.
പുരോഗതിയുടെ അള്ത്താരയില് നാം പാവങ്ങളെ ബലി കഴിക്കുന്നു, പാപ്പാ പറഞ്ഞു. ചിലരെ മാത്രം തെരഞ്ഞെടുത്ത് നാം രക്ഷിക്കുന്നു, പാപ്പാ കുറ്റപ്പെടുത്തി.
‘എന്നാല് ഈ ആഗോള മഹാമാരി ഒരു കാര്യം നമ്മെ ഓര്മിപ്പിക്കുന്നു, സഹിക്കുന്നവരുടെ കാര്യത്തില് അതിര്ത്തികളില്ല, നാമെല്ലാവരും ദുര്ബലരാണ്, എല്ലാവരും തുല്യരാണ്, എല്ലാവരും വിലപ്പെട്ടവരാണ്. അനീതികളും അസമത്വങ്ങളും ഇല്ലായ്മ ചെയ്യേണ്ട കാലമാണിത്.’ പാപ്പാ പറഞ്ഞു.