പാപങ്ങള്‍ക്കും അപവാദങ്ങള്‍ക്കുമിടയിലും സഭയെ പരിശുദ്ധാത്മാവ് താങ്ങിനിര്‍ത്തുന്നു: ഫ്രാന്‍സിസ് പാപ്പാ
വത്തിക്കാന്‍ സിറ്റി: പാപം മൂലം മനുഷ്യന്റെ പദ്ധതികള്‍ പരാജയപ്പെട്ടേക്കാം. എന്നാല്‍ അപകീര്‍ത്തികളും പാപങ്ങളും പെരുകുന്ന കാലത്തു പോലും കര്‍ത്താവിന്റെ സഭ നിലനില്‍ക്കുന്നതിനു കാരണം സഭയെ താങ്ങി നിര്‍ത്തുന്നത് പരിശുദ്ധാത്മാവാണെന്ന് ഫ്രാന്‍സിസ് പാപ്പാ.
‘നമ്മളെല്ലാവരും പാപികളാണ്. പലപ്പോഴും നാം ചീത്തപ്പേരുണ്ടാക്കുന്നു. എങ്കിലും ദൈവം നമ്മോടു കൂടെയുണ്ട്. ദൈവം എപ്പോഴും നമ്മെ രക്ഷിക്കുന്നു. ദൈവം നമ്മോടു കൂടെയുള്ളതാണ് നമ്മുടെ ശക്തി’ പാപ്പാ പറഞ്ഞു.
അതേസമയത്ത്, മാനുഷികമായ പദ്ധികള്‍ പരാജയപ്പെടും. ചരിത്രത്തിലെ സാമ്രാജ്യങ്ങളെയും ഏകാധിപത്യങ്ങളെയും ചൂണ്ടിക്കാട്ടി പാപ്പാ പറഞ്ഞു.
‘തങ്ങള്‍ വളരെ കരുത്തരാണെന്ന് അവര്‍ കരുതി. ഈ ലോകം തങ്ങളുടെ കാല്‍ക്കീഴിലാണെന്ന് അവര്‍ വ്യാമോഹിച്ചു. പക്ഷേ, അവര്‍ തകര്‍ന്നടിഞ്ഞു. ഇന്നത്തെ സാമ്രാജ്യങ്ങളെ കുറിച്ച് ചിന്തിച്ചു നോക്കൂ. ദൈവം അവയോടൊപ്പം ഇല്ലെങ്കില്‍ അവയും തകര്‍ന്നു പോകും. മനുഷ്യരുടെ ശക്തി ശാശ്വതമല്ല, ദൈവത്തിന്റെ ശക്തി മാത്രമാണ് ശാശ്വതം.’ പാപ്പാ വിശദീകരിച്ചു.
