മറിയം മരണത്തോളം വിശ്വസ്ത

മെയ് മാസ റാണി

മരിയ വിചാരങ്ങള്‍ – Day 16

ദൈവ വചനത്തിനു പൂർണ്ണമായി വിട്ടുകൊടുക്കുകയും അതിനനുസൃതമായി ജീവിതം മുന്നോട്ടു നയിക്കുകയും ചെയ്യുന്ന ഒരു വ്യക്തി ദൈവത്തിങ്കലേയ്ക്ക് ഉയർത്തപ്പെടുന്നു. എത്രമാത്രം നാം തുറവിയോടെ ദൈവ വചനം കേൾക്കുകയും അതിനു ക്രിയാത്മകമായ പ്രത്യുത്തരം നൽകുന്നുവോ അത്രമാത്രം നാം ദൈവ ത്തോടു ചേർന്നിരിക്കും. പരിശുദ്ധമറിയം അപ്രകാരം നമുക്കു മുന്നിൽ വയ്ക്കപ്പെട്ട സ്വർഗത്തിലേയ്ക്കുള്ള കുറുക്കുവഴിയാണ്.

ദൈവത്തിൽ അർപ്പിച്ച തന്റെ വിശ്വാസത്തിന്റെ കെടാത്ത കൈ തിരിയാണു ജീവിതത്തിന്റെ ഇരുൾ നിറഞ്ഞ നാഴികകളിലൂടെ മറിയത്തെ മുന്നോട്ടു നയിച്ചത്.
അപ്പോഴെല്ലാം അവൾ ദൈവത്തെ നോക്കി പ്രകാശിതയായി. വിളിച്ചവനോടുള്ള വിശ്വസ്തതയോടെ വിശ്വാസ തീർത്ഥാടന വഴിയിൽ എല്ലാം സാദ്ധ്യമായവന്റെ കരം പിടിച്ച മറിയം പ്രതികൂലങ്ങളിൽ പതറാതെ നിന്നു. അങ്ങനെ വിശ്വാസത്തിനു വേണ്ടി രക്തം ചിന്താതെ രക്തസാക്ഷിയായിത്തീർന്നു. പന്ത്രണ്ടു നക്ഷത്രങ്ങളുടെ കിരീടം മാത്രമല്ല വ്യാകുലങ്ങളുടെ ഒരു മുൾക്കിരീടവും ദൈവം മറിയത്തെ അണിയിച്ചിരുന്നു.

~ Jincy Santhosh ~

മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.