മറിയം ബോധജ്ഞാനത്തിന്റെ സിംഹാസനം

മെയ് മാസ റാണി

മരിയ വിചാരങ്ങള്‍ – Day 13

ദൈവാലയത്തിൽ യേശുവിന്റെ അത്ഭുത പ്രവർത്തികളിലും അതിശയിക്കത്തക്ക വിജ്ഞാന ഭാഷണത്തിലും അത്ഭുതം കൂറുന്ന ജനം യേശുവിന്റെ ജ്ഞാനത്തിൽ വിശ്വസിക്കാൻ കഴിയാതെ “ഇവന് ഈ ജ്ഞാനം എവിടെ നിന്ന് ? ഇവൻ ആ തച്ചന്റെ മകനല്ലേ?
മറിയമല്ലേ ഇവന്റെ അമ്മ?”

മനുഷ്യ രൂപമെടുത്ത ദൈവത്തിന്റെ പരിശുദ്ധ ജ്ഞാനമായ ക്രിസ്തുവുമായി അഭേദ്യമായി ബന്ധപ്പെട്ടിരിക്കുന്ന പരിശുദ്ധ മറിയത്തെ ബോധജ്ഞാനത്തിന്റെ സിംഹാസനം എന്നു തിരുസഭ വിശേഷിപ്പിക്കുന്നു.

കാരണം മറിയം ദൈവജ്ഞാനത്തെ ഉദരത്തിലും ഹൃദയത്തിലും വഹിച്ചവളാണ്.
“ജ്ഞാനം കപടഹൃദയത്തില്‍ പ്രവേശിക്കുകയില്ല; പാപത്തിന് അടിമയായ ശരീരത്തില്‍ വസിക്കുകയുമില്ല.”
(ജ്‌ഞാനം 1 : 4)

ജ്ഞാനത്തിന്റെ ഉറവിടവും പൂർണ്ണതയും പരിശുദ്ധി തന്നെയുമായ ക്രിസ്തു മറിയത്തിൽ മാംസം ധരിക്കുകയും മറിയത്തിൽ വസിക്കുകയും അവളിൽ നിന്നു ഭൂജാതനാവുകയും മറിയത്തിന്റെ കരങ്ങളാൽ സംവഹിക്കപ്പെടുകയും ചെയ്തു.

അങ്ങനെ ദൈവജ്ഞാനത്തിനായി ദൈവം ഒരുക്കിയ മനുഷ്യരൂപേണയുള്ള സിംഹാസനത്തിൽ ക്രിസ്തു വാഴുകയും ചെയ്തു.

~ Jincy Santhosh ~

“നിത്യകന്യകയായ പരിശുദ്ധ മറിയം സർവ്വപുണ്യങ്ങളുടെയും മാതൃകയും കലവറയും ആയി തിരഞ്ഞെടുക്കപ്പെട്ടവരുടെ സമൂഹത്തിൽ വിളങ്ങി നിൽക്കുന്നതിനാൽ മറിയത്തിലേയ്ക്ക് എല്ലാവരും ദൃഷ്ടികളുയർത്തുന്നു.”
(രണ്ടാം വത്തിക്കാൻ സൂനഹദോസിന്റെ ‘ജനതകളുടെ പ്രകാശം ‘
എന്ന പ്രമാണം രേഖയിൽ നിന്ന്)

മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.