ഇന്നത്തെ വിശുദ്ധ: ദൈവമാതാവായ പരിശുദ്ധ മറിയം
ജനുവരി 1 ന് ദൈവമാതാവായ പരിശുദ്ധ മറിയത്തിന്റെ തിരുനാളാണ്. ഗ്രീക്കില്‍ തിയോടോക്കോസ് എന്നാണ് പരിശുദ്ധ അമ്മയെ സഭാപിതാക്കന്മാര്‍ വിശേഷിപ്പിച്ചിരുന്നത്. ദൈവത്തെ ഉദരത്തില്‍ വഹിച്ചവള്‍ എന്നാണ് ആ വാക്കിന്റെ അര്‍ത്ഥം. ഒരേ സമയം ദൈവവും മനുഷ്യനുമായ യേശുക്രിസ്തുവിന് ജന്മം നല്‍കി എന്ന അര്‍ത്ഥത്തിലാണ് മറിയത്തെ ദൈവമാതാവ് എന്ന് വിശേഷിപ്പിക്കുന്നത്. മൂന്ന് – നാല് നൂറ്റാണ്ടുകള്‍ മുതല്‍ തന്നെ പരിശുദ്ധ മറിയത്തിന് ദൈവമാതാവ് എന്ന നാമധേയം നല്‍കപ്പെട്ടിരുന്നു. പരിശുദ്ധ മാതാവിനെ ദൈവമാതാവ് എന്ന് വിശേഷിപ്പിക്കുന്നത് നീതിയുക്തമാണെന്ന് ഏഡി 431 ല്‍ നടന്ന എഫേസോസ് സൂനഹദോസ് പ്രസ്താപിച്ചു. ആ സൂനഹദോസ് സമാപിച്ചപ്പോള്‍ ജനങ്ങള്‍ ദൈവമാതാവ് വാഴ്ക എന്നുദ്‌ഘോഷിച്ച് തെരുവിലൂടെ പ്രദക്ഷിണം നടത്തിയതായി ചരിത്രം രേഖപ്പെടുത്തിയിട്ടുണ്ട്.
പരിശുദ്ധ ദൈവമാതാവേ, ഞങ്ങള്‍ക്കു വേണ്ടി അപേക്ഷിക്കണമേ
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
