കൊറോണ: ലോകയുവജനദിനം നീട്ടി വച്ചു

വത്തിക്കാന്‍ സിറ്റി: കൊറോണ വൈറസ് വ്യാപനത്തിന്റെ പശ്ചാത്തലത്തില്‍ ലോകയുവജനദിനാഘോഷങ്ങളും കുടുംബങ്ങളും ആഗോള സമ്മേളനവും നീട്ടിവച്ചതായി ഫ്രാന്‍സിസ് പാപ്പാ അറിയിച്ചു.

2022 ആഗസ്റ്റില്‍ ലിസ്ബണില്‍ നടക്കേണ്ടിയിരുന്ന ലോകയുജനദിനം 2023 ആഗസ്റ്റിലേക്ക് മാറ്റി. 2021 ജൂണില്‍ നടത്താന്‍ നിശ്ചയിച്ചിരുന്ന കുടുംബങ്ങളുടെ ആഗോള സമ്മേളനം 2022 ജൂണിലേക്കു മാറ്റി.

മൂന്നു വര്‍ഷം കൂടുമ്പോഴാണ് ലോക യുവജനദിനം നടത്തുന്നത്. കഴിഞ്ഞ വേള്‍ഡ് യൂത്ത് ഡേ 2019 ജനുവരിയില്‍ പാനമയിലാണ് നടന്നത്.