ഭയം ഭരിക്കുമ്പോള്‍ ഭഗ്നാശരാവരുത്…

രണ്ടു തവണ സിംഹങ്ങളുടെ മുമ്പിൽ എറിയപ്പെട്ടവനാണ് ദാനിയേൽ.
ദിവസേന രണ്ടു മനുഷ്യ ശരീരങ്ങളും രണ്ട് ആടുകളെയും ഭക്ഷിച്ചിരുന്ന ഏഴു സിംഹങ്ങൾക്കിടയിലേക്ക് എറിയപ്പെടുമ്പോൾ …
തന്നെ കടിച്ചുകീറാൻ വരുന്ന സിംഹങ്ങളെ ദാനിയേൽ നോക്കിയില്ല.
അവയെ നിയന്ത്രിക്കാൻ കഴിവുള്ള രാജ പ്രഭുക്കന്മാരെയും നോക്കിയില്ല .

താൻ ആരാധിക്കുകയും വിശ്വസിക്കുകയും ചെയ്യുന്ന ദൈവത്തിൽ ദൃഷ്ടികളുറപ്പിച്ചതിനാൽ മറ്റൊന്നും അവന് കാണേണ്ടി വന്നില്ല.

അതിനുമപ്പുറം ദൈവം ദാനിയേലിനെയും നോക്കി.ആ നോട്ടത്തിൻ്റെ ശക്തി സിംഹങ്ങളുടെ വായ്പൂട്ടി.

ജീവിത പ്രതിസന്ധികളിൽ…
അരക്ഷിതത്വത്തിൻ്റെ നടുക്കടലിൽ…
ചുറ്റുമുള്ള ലോകത്തിലാശ്രയം വയ്ക്കാതെ
നിൻ്റെ സൃഷ്ടാവിലേയ്ക്കു ദൃഷ്ടികളുയർത്തുക.

“അവിടുത്തെ നോക്കിയവർ പ്രകാശിതരായി.
അവർ ലജ്ജിതരാവുകയില്ല”
( സങ്കീർത്തനങ്ങൾ 34: 5 )

~ Jincy Santhosh ~

മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.