മോസുളിലെ തകര്‍ന്ന ക്രിസ്ത്യന്‍ പള്ളികള്‍ പുതുക്കിപ്പണിയാനുറച്ച് യുഎഇ
മോസുള്‍, ഇറാക്ക്: 2014 ല്‍ ഇസ്ലാമിക് സ്‌റ്റേറ്റ് ഭീകരര്‍ തകര്‍ത്ത ക്രിസ്ത്യന്‍ ദേവാലയങ്ങള്‍ പുതുക്കിപ്പണിയാന്‍ യുണൈറ്റഡ് അറബ് എമിറേറ്റ്‌സ് യുണെസ്‌കോയുമായി കൈ കോര്‍ക്കുന്നു. അല്‍ താഹെറ ദേവാലയവും അല്‍ സാആ പള്ളിയുമാണ് പുതുക്കി പണിയാന്‍ പോകുന്നത്.
‘ഇരുണ്ട കാലഘട്ടത്തില്‍ പ്രകാശത്തിന്റെ ഒരു സന്ദേശം അയക്കുന്ന ഒരു പങ്കാളിത്തത്തിന്റെ ഒപ്പുവയ്പ്പാണ് ഇന്നു നടന്നത്’ യുഎഇയുടെ സാംസ്‌കാരിക, വൈജ്ഞാനിക വികസന മന്ത്രി നൗറ അല്‍ കാബി പറഞ്ഞു.
ഒക്ടോബര്‍ 10 ന് പാരീസിലെ യുണെസ്‌കോ തലസ്ഥാനത്ത് വച്ചാണ് ഇരു കൂട്ടരും റിവൈവ് ദ സ്പിരിറ്റ് ഓഫ് മോസൂള്‍ എന്നു പേരിട്ടുരിക്കുന്ന പങ്കാളിത്ത പദ്ധതിയില്‍ ഒപ്പുവച്ചത്.
മോസുളിലെ ആര്‍ക്കിയോളജി, ആര്‍ക്കിടെക്ചര്‍, എഞ്ചിനീയറിംഗ് വിദ്യാര്‍ത്ഥികള്‍ സുപ്രധാന കെട്ടിടങ്ങള്‍ നവീകരിക്കുന്നതില്‍ പങ്കാളികളാകും.
