ഇന്നത്തെ വിശുദ്ധന്‍: വാഴ്ത്തപ്പെട്ട ജെയിംസ് ഓള്‍ഡോ
2364 ല്‍ മിലാനിലെ ഒരു ധനിക കുടുംബത്തില്‍ പിറന്ന ജെയിംസ് വിവാഹിതനായി കുട്ടികളോടും ഭാര്യയോടുമൊത്ത് സന്തോഷ പൂര്‍വം ജീവിക്കുമ്പോള്‍ അവിടെ ഒരു മഹാമാരി പടര്‍ന്നുപിടിക്കുകയും അതില്‍ അവരുടെ രണ്ടു പെണ്‍മക്കള്‍ മരണമടയുകയും ചെയ്തു. ഈ അനുഭവം ജെയിംസില്‍ വലിയ പരിവര്‍ത്തനം ഉളവാക്കി. സ്വര്‍ഗത്തിലാണ് നിക്ഷേപം കൂട്ടിവയ്‌ക്കേണ്ടത് എന്ന് അദ്ദേഹം ചിന്തിക്കാന്‍ തുടങ്ങി. ജെയിംസും ഭാര്യയും ഫ്രാന്‍സിസ്‌കന്‍ അത്മായ സഭയില്‍ ചേര്‍ന്നു. പഴയ ജീവിതം ഉരിഞ്ഞു മാറ്റി അനുതാപത്തോടെ അദ്ദേഹം ജീവിതം ആരംഭിച്ചു. ഭാര്യ മരിച്ചപ്പോള്‍ അദ്ദേഹം ഒരു പുരോഹിതനായി. യുദ്ധകാലത്ത് രോഗികളെയും യുദ്ധതടവുകാരെയും ശുശ്രൂഷിച്ച് അദ്ദേഹം മാതൃക കാട്ടി. തടവുകാരില്‍ നിന്ന് പകര്‍ന്ന രോഗം മൂലം അദ്ദേഹം 1404 ല്‍ മരണമടഞ്ഞു.
