ഇന്നത്തെ വിശുദ്ധ: വാഴ്ത്തപ്പെട്ട ജോവാക്കിമ

സ്‌പെയിനിലെ ബാഴ്‌സലോണയില്‍ ഒരു പ്രഭു കുടുംബത്തിലാണ് ജോവാക്കിമ ജനിച്ചത്. 12 വയസ്സുള്ളപ്പോള്‍ അവള്‍ ഒരു കര്‍മലീത്താ കന്യാസ്ത്രീയാകാന്‍ ആഗ്രഹം പ്രകടിപ്പിച്ചു. എന്നാല്‍ 16 വയസ്സായപ്പോള്‍ ഒരു യുവ അഭിഭാഷകനെ വിവാഹം ചെയ്യാനായിരുന്നു, വിധി. ഇരുവരും നല്ല ഭക്തിയുള്ളവരായിരുന്നതിനാല്‍ അവര്‍ അത്മായ ഫ്രാന്‍സിസ്‌കന്‍ സഭയില്‍ ചേര്‍ന്നു. അവര്‍ക്ക് എട്ടു മക്കളുണ്ടായി. നെപ്പോളിയന്‍ സ്‌പെയിന്‍ കയ്യേറിയപ്പോള്‍ ഭര്‍ത്താവ് മരണമടയുകയും ജൊവാക്കിമ മക്കളെയും കൊണ്ട് പലായനം ചെയ്യുകയും ചെയ്തു. കുട്ടികള്‍ വളര്‍ന്ന് വലുതായപ്പോള്‍ അവള്‍ കാര്‍മലൈറ്റ് സിസ്‌റ്റേഴ്‌സ് ഓഫ് ചാരിറ്റി എന്ന പേരില്‍ ഒരു സഭ സ്ഥാപിച്ചു. അവസാനകാലം രോഗപീഡകളാല്‍ വേദനാകരമായിരുന്നു. 71 ാം വയസ്സില്‍ 1854 ല്‍ ജൊവാക്കിമ മരണമടഞ്ഞു.

വാഴ്ത്തപ്പെട്ട ജോവാക്കിമ ഞങ്ങള്‍ക്കു വേണ്ടി അപേക്ഷിക്കണമേ

മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.