ആമസോണ്‍ സിനഡിന്റെ അന്തിമ റിപ്പോര്‍ട്ട് ആരെഴുതും?
വത്തിക്കാന്‍ സിറ്റി: വത്തിക്കാനില്‍ നടന്നു വരുന്ന ആമസോണ്‍ സിനഡിന്റെ അന്തിമ പ്രമാണ രേഖ തയ്യാറാക്കുന്നത് സിനഡിന്റെ റിലേറ്റര്‍ ജനറല്‍ ബ്രസീലിയന്‍ കര്‍ദിനാള്‍ ക്ലൗഡിയോ ഹുമ്മസിന്റെ നേതൃത്വത്തിലുള്ള ടീം ആയിരിക്കുമെന്ന് കര്‍ദിനാള്‍ ക്രിസ്‌റ്റോഫ് ഷോണ്‍ബോണ്‍ പറഞ്ഞു.
വത്തിക്കാന്‍ പ്രസ് ഓഫീസ് ഡയറക്ടര്‍ മത്തോയോ ബ്രൂണിയും ഇക്കാര്യം സ്ഥിരീകരിച്ചു. ഒക്ടോബര്‍ 6 മുതല്‍ 27 വരെ നടക്കുന്ന ആമസോണ്‍ സിനഡില്‍ ആമസോണ്‍ പ്രദേശങ്ങളിലുള്ള കത്തോലിക്കാ സഭയുടെ അജപാലന, സാമൂഹിക പ്രവര്‍ത്തനങ്ങളെ കുറിച്ചാണ് ചര്‍ച്ച ചെയ്യുന്നത്. തെക്കേ അമേരിക്കയിലെ 9 രാജ്യങ്ങള്‍ ആമസോണ്‍ പ്രദേശത്തില്‍ ഉള്‍പ്പെടുന്നു.
