ചൈനയെ ഫ്രാന്‍സിസ് പാപ്പാ പരിശുദ്ധ അമ്മയ്ക്ക് സമര്‍പ്പിച്ചു
വത്തിക്കാന്‍ സിറ്റി: ചൈനയെ ഫ്രാന്‍സിസ് പാപ്പാ പരശുദ്ധ കന്യമറിയത്തിന്റെ കരങ്ങളില്‍ ഭരമേല്‍പിച്ചു. ലോകത്തിലെ ഏറ്റവും ജനസംഖ്യയുള്ള രാജ്യത്തിന്റെ മേല്‍ പരിശുദ്ധാത്മാവിന്റെ അഭിഷേകമുണ്ടാകാന്‍ വേണ്ടി പരിശുദ്ധ പിതാവ് പ്രാര്‍ത്ഥിച്ചു.
‘ചൈനയിലെ പ്രിയപ്പെട്ട കത്തോലിക്കാ സഹോദരങ്ങളേ, നിങ്ങളുടെ പ്രയാസങ്ങളില്‍ കത്തോലിക്കാ സഭ നിങ്ങളെ പിന്തുണയ്്ക്കുകയും നിങ്ങളുടെ പ്രത്യാശകള്‍ പങ്കുവയ്ക്കുകയും ചെയ്യുന്നു എന്ന് ഞാന്‍ നിങ്ങള്‍ക്ക് ഉറപ്പു നല്‍കുന്നു’ പരിശുദ്ധ രാജ്ഞി പ്രാര്‍ത്ഥനയുടെ സന്ദര്‍ഭത്തില്‍ പാപ്പാ പറഞ്ഞു.
‘വിശ്വസിക്കുന്നവരില്‍ രക്ഷാകരമായ ദൈവശക്തിയാ സുവിശേഷം തിളങ്ങുന്നതിന് വേണ്ടി നിങ്ങളുടെ കൂടെ പുതിയൊരു പരിശുദ്ധാത്മാഭിഷേകം ഉണ്ടാകട്ടെ’ പാപ്പാ പറഞ്ഞു.
ക്രിസ്ത്യാനികളുടെ സഹായമായ മറിയത്തിന്റെ തിരുനാള്‍ ദിനത്തില്‍ ചൈനയുടെ മേല്‍ പാപ്പാ പ്രത്യേകമായ അപ്പസ്‌തോലിക ആശീര്‍വാദം നല്‍കുകയുണ്ടായി.
