യേശുവിന്റെ കാലിത്തൊഴുത്തിന്റെ തിരുശേഷിപ്പ് ബെത്‌ലേമില്‍ മടങ്ങിയെത്തി
ബെത്‌ലെഹേം: യേശു ക്രിസ്തു പിറന്നു വീണ പുല്‍ത്തൊഴുത്ത് 1400 വര്‍ഷങ്ങള്‍ക്കു ശേഷം അതിന്റെ ഉറവിടസ്ഥാനത്ത് മടങ്ങിയെത്തി. ഇത്രയും കാലം റോമിലെ സാന്ത മരിയ മയോറെ ബസിലിക്കയില്‍ സൂക്ഷിച്ചിരിക്കുകയായിരുന്നു, ചരിത്രപ്രധാനമായ പുല്‍ത്തൊഴുത്തിന്റെ തിരുശേഷിപ്പ്. ഫ്രാന്‍സിസ് പാപ്പായുടെ പ്രത്യേക ഉത്തരവ് പ്രകാരമാണ് ഉണ്ണി പിറന്ന കാലിത്തൊഴുത്ത് സ്വദേശത്തേക്ക് മടക്കി എത്തിച്ചത്.
റോമിലെ മേരി മേജര്‍ ബസിലിക്കയില്‍ സൂക്ഷിച്ചിരുന്ന കല്ലും തടിയും കൊണ്ടുള്ള കാലിത്തൊഴുത്തില്‍ നിന്നുള്ള മരക്കഷണത്തിന്റെ ചീളാണ് അരുളിക്കയിലാക്കി ബത്‌ലെഹേമില്‍ എത്തിച്ചിരിക്കുന്നത്. തിരുപ്പിറവിയുടെ ദേവാലയത്തിന് സമീപത്ത് വി. കാതറിന്റെ നാമധേയത്തിലുള്ള ദേവാലയത്തിലാണ് ഈ തിരുശേഷിപ്പ് പ്രതിഷ്ഠിച്ചിരിക്കുന്നത്.
