പാദ്രേ പിയോയുടെ പനി അളന്ന തെര്‍മോമീറ്റര്‍ പൊട്ടിപ്പോയത് എന്തു കൊണ്ട്?
കബോസാ നഗരത്തിന് സമീപത്തുള്ള പിയാസിനിയിലെ സാന്‍ത് ഏലിയായില്‍ ഏറെക്കാലം പഠനം തുടരാന്‍ പിയോ സഹോദരനെ സാഹചര്യങ്ങള്‍ അനുവദിച്ചില്ല . ഏതോ അജ്ഞാതരോഗം അദ്ദേഹത്തെ പിടികൂടി . രോഗം എന്താണെന്നോ അതിന്റെ കാരണമെന്താണെന്നോ കണ്ടുപിടിക്കാന്‍ ഡോക്ടര്‍മാര്‍ക്ക് കഴിഞ്ഞില്ല . പിയോ സഹോദരന്റെ രോഗത്തിന് പ്രതിവിധി നിര്‍ദ്ദേശിക്കാന്‍ വൈദ്യശാസ്ത്രത്തിനായില്ല . അദ്ദേഹത്തിന് സഹപാഠികളോടൊപ്പമുള്ള ജീവിതം അങ്ങനെ നിഷേധിക്കപ്പെട്ടു . പുതിയ പരീക്ഷണങ്ങള്‍ അദ്ദേഹത്തിനു മുമ്പില്‍ നിരന്നു. പിയോ സഹോദരന്റെ ശാരീരിക താപനില ക്രമാതീതമായി വര്‍ദ്ധിച്ചു .
താപനില അളക്കാന്‍ ശ്രമിച്ച് പരാജയപ്പെട്ട സംഭവം ഫാ . മൈക്കലാഞ്ചലോ വിവരിക്കുന്നു : ‘പിയോ സഹോദരന്റെ ശാരീരികോഷ്ണം അളക്കാന്‍ സാധാരണ തെര്‍മോമീറ്ററിന് സാധിക്കില്ല. അത് രേഖപ്പെടുത്തണമെങ്കില്‍ ബാത്ത്‌റും തെര്‍മോമീറ്റര്‍ തന്നെ വേണം. ഒരിക്കല്‍ പിയോ സഹോദരനെയുംകൊണ്ട് ഞാന്‍ ഡോക്ടറുടെ അടുത്തെത്തി. ഡോക്ടര്‍ പിയോ സഹോദരന്റെ പനി അളക്കാന്‍ തീരുമാനിച്ചു. ഡോക്ടറെ തടഞ്ഞുകൊണ്ട് ഞാന്‍ പറഞ്ഞു : ആ തെര്‍മോമീറ്റര്‍ ഉപ യോഗിക്കരുത് . അത് പൊട്ടിപ്പോകും . ഡോക്ടര്‍ അത് വകവച്ചില്ല. തന്റെ തെര്‍മോമീറ്റര്‍ ഉപയോഗിച്ച് അദ്ദേഹം താപനില അളക്കാന്‍ ശ്രമിച്ചു . അപ്പോള്‍ തെര്‍മോമീറ്ററിലെ മെര്‍ക്കുറി ചൂടായി വികസിച്ചു . അത് പൊട്ടിപ്പോയി . പിയോ സഹോദരന്റെ ശാരീരികോഷണം അളക്കാന്‍ സാധാരണ തെര്‍മോമീറ്ററിന് ഒരിക്കലും സാധിച്ചില്ല’ .
‘ താങ്കളുടെ കടുത്ത പനിയുടെ കാരണമെന്താണ് ? ‘ ഡോക്ടര്‍ ചോദിച്ചു. പിയോ സഹോദരന്റെ മറുപടി രസകരമായിരുന്നു : ‘ അങ്ങ് ഒരു ഡോക്ടറല്ലേ ? എന്റെ രോഗത്തിന് കാരണമെന്തെന്ന് അങ്ങാണ് പറയേണ്ടത്’. പിയോ സഹോദരന്‍ അനുഭവിച്ച് കടുത്ത സഹനത്തിന്റെയും ആത്മനൊമ്പരങ്ങളുടെയും ബാഹ്യലക്ഷണമായിരുന്നു പനിയെന്ന് ഫാ . മൈക്കലാഞ്ചലോ അഭിപ്രായപ്പെടുന്നു . വിശദീകരിക്കാനാവാത്ത ഒരു പ്രതിഭാസമായി രോഗം തുടര്‍ന്നു .
പനിമൂലം അനുഭവിച്ച ചൂട് എത്രമാത്രം തീവവും അസഹനീയവുമായിരുന്നെന്ന് പിയോ സഹോദരന്‍ തന്റെ ആത്മീയ ഗുരുവിനോട് വിവരിക്കുന്നു . ‘ എന്റെ ശരീരത്തിന്റെ ഓരോ അണുവും അഗ്‌നിയില്‍ ജ്വലിക്കുന്നതുപോലെ. നിഗൂഢമായ ഒരു ജ്വാല എന്റെ ഹൃദയത്തിനുള്ളില്‍ കത്തി . ഇതെന്താണെന്ന് മനസ്സിലാക്കാന്‍ എനിക്ക് സാധിക്കുന്നില്ല . ഈ അനുഭവം എന്റെ വെറും സങ്കല്പമല്ല . തികച്ചും യാഥാര്‍ത്ഥ്യമാണ് . ഞാന്‍ അനുഭവിച്ച കഠിനമായ ചൂടില്‍നിന്ന് രക്ഷനേടാന്‍ മഞ്ഞു പാളികള്‍ക്കുള്ളില്‍ ആഴ്ന്നിറങ്ങിയാലോയെന്നു പോലും ഞാന്‍ ചിന്തിച്ചു’ . പിയോ സഹോദരന്റെ ദിനങ്ങള്‍ എണ്ണപ്പെട്ടുകഴിഞ്ഞെന്ന് മറ്റു ഡോക്ടര്‍മാര്‍ വിധിയെഴുതിയപ്പോള്‍ , അത് തിരുത്തിക്കുറിച്ചത് ഡോ . കര്‍ദോണയായിരുന്നു . പിയോസഹോദരന് അസാധാരണമായ ക്ഷയ രോഗം ബാധിച്ചിരിക്കുന്നുവെന്നായിരുന്നു ആ ഡോക്ടര്‍മാരുടെ അഭിപ്രായം . എന്നാല്‍ ഡോ . കര്‍മോണിന്റെ അഭിപ്രായം മറ്റൊന്നായിരുന്നു . പിയോ സഹോദരനെ ബാധിച്ചിരിക്കുന്ന അനാരോഗ്യത്തിനും ധാതുക്ഷ യത്തിനും കാരണം അദ്ദേഹത്തിന്റെ കടുത്ത ഉപവാസവും ഉറക്കമില്ലായ്മയും , തീവ്രമായ തപശ്ചര്യകളുമാണ്. പിയോ സഹോദരന്‍
പിയാനോ റോമനോയിലായിരുന്നപ്പോള്‍ ഒരു കുടിലില്‍ ചെന്ന് ദീര്‍ഘനാള്‍ പ്രാര്‍ത്ഥിക്കയും ധ്യാനിക്കയും തപസ്സിരിക്കയും ചെയ്തിരുന്നു. അന്നുമുതല്‍ അദ്ദേഹത്തിന്റെ ആരോഗ്യം ശിഥിലമായിത്തുടങ്ങി .
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
