മാർ കുര്യാളശേരിയുടെ 94-ാം ചരമവാർഷികാചരണം ജൂണ്‍ ഒന്നിന്
ചങ്ങനാശേരി: ചങ്ങനാശേരി രൂപതയുടെ പ്രഥമ തദ്ദേശിയ മെത്രാനും ആരാധനാ സന്യാസിനീ സമൂഹത്തിന്‍റെ സ്ഥാപകനുമായ ധന്യൻ മാർ തോമസ് കുര്യാളശേരിയുടെ 94-ാം ചരമവാർഷികാചരണം ജൂണ്‍ ഒന്നിന് ചങ്ങനാശേരി മെത്രാപ്പോലീത്തൻ പള്ളിയിൽ നടത്തും.
ഇന്ന് ഉച്ചകഴിഞ്ഞ് മൂന്നിന് ചങ്ങനാശേരി പാറേൽ മരിയൻ തീർഥാടനകേന്ദ്രത്തിൽനിന്നു ചെറുപുഷ്പമിഷൻ ലീഗിന്‍റെയും ആരാധനാ സന്യാസിനി സമൂഹത്തിന്‍റെയും നേതൃത്വത്തിൽ മെത്രാപ്പോലീത്തൻ പള്ളിയിലെ മാർ കുര്യാളശേരിയുടെ കബറിടത്തിങ്കലേക്ക് തീർഥാടനം നടക്കും. പാറേൽ പള്ളി വികാരി ഫാ. ജേക്കബ് വാരിക്കാട്ട് ഉദ്ഘാടനം ചെയ്യും. അതിരൂപതാ സന്ദേശനിലയം ഡയറക്ടർ ഫാ. ജോബിൻ പെരുന്പളത്തുശേരി ഫ്ളാഗ് ഓഫ് ചെയ്യും. തീർഥാടനം മെത്രാപ്പോലീത്തൻ പള്ളിയിൽ എത്തിച്ചേരുന്പോൾ വികാരി ഫാ. കുര്യൻ പുത്തൻപുര, സിസ്റ്റർ തെരേസ നടുപ്പടവിൽ എസ്എബിഎസ് എന്നിവർ ചേർന്ന് സ്വീകരിക്കും. 4.30ന് വിശുദ്ധ കുർബാന, സന്ദേശം ഫാ. മാർട്ടിൻ വെള്ളിയാംകുളം. 31ന് ഉച്ചകഴിഞ്ഞ് 3.30ന് ആരാധന, 4.30ന് വിശുദ്ധ കുർബാന, സന്ദേശം ഫാ. മാത്യു അരയത്തിനാൽ.
മാർ തോമസ് കുര്യാളശേരിയുടെ ചരമവാർഷികദിനമായ ജൂണ്‍ ഒന്നിനു രാവിലെ ആറിന് വിശുദ്ധ കുർബാനയ്ക്ക് അതിരൂപത സഹായമെത്രാൻ മാർ തോമസ് തറയിൽ മുഖ്യകാർമികത്വം വഹിക്കും. ഫാ. തോമസ് പ്ലാപറന്പിൽ, ഫാ. ജോമോൻ കാക്കനാട്ട്, ഫാ. വർഗീസ് കിളിയാട്ടുശേരിൽ എന്നിവർ സഹകാർമികരായിരിക്കും.
7.30ന് ആർച്ച്ബിഷപ് മാർ ജോസഫ് പെരുന്തോട്ടം വിശുദ്ധകുർബാന അർപ്പിച്ച് സന്ദേശം നൽകും. ഫാ. കുര്യൻ പുത്തൻപുര, ഫാ. ജോസഫ് കൊല്ലാറ എന്നിവർ സഹകാർമികരായിരിക്കും. 10.30ന് സത്ന ബിഷപ് മാർ ജോസഫ് കൊടകല്ലിൽ വിശുദ്ധകുർബാന അർപ്പിക്കും. ഫാ.ജേക്കബ് വാരിക്കാട്ട്, ഫാ. ഫിലിപ്പ് വൈക്കത്തുകാരൻവീട്ടിൽ എന്നിവർ സഹകാർമികരായിരിക്കും. ഉച്ചക്ക് 12ന് നേർച്ചഭക്ഷണ വെഞ്ചരിപ്പും ബിഷപ് മാർ കൊടകല്ലിൽ നിർവഹിക്കും.
12.15ന് നടക്കുന്ന സമൂഹബലിക്ക് അതിരൂപത വികാരി ജനറാൾ മോൺ. തോമസ് പാടിയത്ത് മുഖ്യകാർമികനായിരിക്കും. ഫാ. തോമസ് തുന്പയിൽ, ഫാ. ആന്‍റണി കിഴക്കേവീട്ടിൽ, ഫാ. പീറ്റർ കിഴക്കയിൽ, ഫാ. ജോണ്‍ മഠത്തിപ്പറന്പിൽ, ഫാ. സെബാസ്റ്റ്യൻ മണ്ണാംതുരുത്തിൽ, ഫാ.ജോസഫ് തൂന്പുങ്കൽ എന്നിവർ സഹകാർമികരായിരിക്കും. ഉച്ചകഴിഞ്ഞ് രണ്ടിന് ഫാ. ആന്‍റണി പനച്ചിങ്കലും വൈകുന്നേരം 4.30ന് ഫാ. ആന്‍റണി പോരൂക്കരയും വിശുദ്ധ കുർബാനയർപ്പിക്കും.
