ക്രൈസ്തവ വിരുദ്ധ പരാമര്‍ശം: ബോളിവുഡ് താരങ്ങള്‍ കര്‍ദിനാള്‍ ഗ്രേഷ്യസിനെ കണ്ട് മാപ്പു പറഞ്ഞു
മുംബൈ: ക്രൈസ്തവ വിരുദ്ധ പരാമര്‍ശം നടത്തി വിവാദം സൃഷ്ടിച്ച ബോളിവുഡ് നടി രവീണ ടണ്ടനും സംവിധായിക ഫാറാ ഖാനും കര്‍ദിനാള്‍ ഓസ്വാള്‍ഡ് ഗ്രേഷ്യസിനെ നേരില്‍ കണ്ട് മുഴുവന്‍ ക്രിസ്തീയ സമൂഹത്തോടും മാപ്പ് ചോദിക്കുന്നതായി അറിയിച്ചു.
താരങ്ങള്‍ക്ക് പറയാനുണ്ടായ കാര്യങ്ങള്‍ കര്‍ദിനാള്‍ ക്ഷമയോടെ മുഴുവന്‍ കേട്ടിരുന്നു. തങ്ങളുടെ നിരുത്തരവാദ പരാമര്‍ശത്തിലൂടെ ക്രിസ്തീയ സമൂഹച്ചെ വേദനിപ്പിച്ചതില്‍ നിരുപാധികം ക്ഷമ ചോദിക്കുന്നുവെന്ന് രവീണയും ഫാറാ ഖാനും പറഞ്ഞു. നാം തെറ്റും ചെയ്താലും ക്ഷമിക്കുന്ന ദൈവമാണ് ക്രിസ്തു എന്ന് കര്‍ദിനാള്‍ പറഞ്ഞു. ഇരുവരെയും അനുഗ്രഹിച്ച ശേഷമാണ് അദ്ദേഹം പിരിഞ്ഞത്. ഫാറാ ഖാന്‍ തന്റെ ട്വിറ്റര്‍ അക്കൗണ്ടിലൂടെയും മാപ്പ് ചോദിച്ചിരുന്നു.
ഒരു ഷോയില്‍ വച്ച് ഹല്ലേലൂയ എന്ന വാക്ക് ആക്ഷേപരൂപേണ ഉച്ചരിച്ചതിന്റെ പേരിലാണ് രവീണയ്ക്കും ഫാറാ ഖാനും എതിരെ പ്രതിഷേധങ്ങള്‍ ഉയര്‍ന്നതും കേസ് ഫയല്‍ ചെയ്തതും.
