കുഞ്ഞേട്ടൻ അവാർഡ് സെബാസ്റ്റ്യൻ പാലംപറമ്പിലിന്
![](https://www.mariantimesworld.org/wp-content/uploads/2019/07/Sebastian-Palamparambil.jpg)
കൊച്ചി: ചെറുപുഷ്പ മിഷൻ ലീഗ് സ്ഥാപക നേതാവ് പി.സി. ഏബ്രഹാം പല്ലാട്ടുകുന്നേൽ (കുഞ്ഞേട്ടൻ) അവാർഡ് മാനന്തവാടി രൂപതയിലെ അധ്യാപകൻ പി.ജെ. സെബാസ്റ്റ്യൻ പാലംപറന്പിലിന്. കുഞ്ഞേട്ടന്റെ 10-ാം ചരമ വാർഷിക ദിനാചരണത്തോടനുബന്ധിച്ച് ഓഗസ്റ്റ്10നു പാലാ രൂപതയിലെ ചെമ്മലമറ്റം പന്ത്രണ്ടു ശ്ലീഹന്മാരുടെ പള്ളിയിൽ നടക്കുന്ന യോഗത്തിൽ യൂഹാനോൻ മാർ ക്രിസോസ്റ്റോം മെത്രാപ്പോലീത്ത അവാർഡ് സമ്മാനിക്കും.
ചങ്ങനാശേരി ആർച്ച്ബിഷപ് മാർ ജോസഫ് പെരുന്തോട്ടം, പിഒസി ഡയറക്ടർ റവ.ഡോ. വർഗീസ് വള്ളിക്കാട്ട്, മിഷൻലീഗ് സംസ്ഥാന ഡയറക്ടർ ഫാ. ജോബി പുച്ചുക്കണ്ടത്തിൽ, സംസ്ഥാന പ്രസിഡന്റ് ബിനു മാങ്കൂട്ടം, സെക്രട്ടറി ഷിനോ മോളത്ത്, ഓർഗനൈസർ ഫ്രാൻസീസ് കൊല്ലറേട്ട് എന്നിവരടങ്ങുന്ന സമിതിയാണ് അവാർഡ് നിർണയിച്ചത്.