പഷമാമ രൂപങ്ങള്‍ ടൈബര്‍ നദിയിലെറിഞ്ഞു
റോം: വത്തിക്കാനില്‍ നടക്കുന്ന ആമസോണ്‍ സിനഡുമായി ബന്ധപ്പെട്ട പല പരിപാടികളിലും സുപ്രധാന സാന്നിധ്യമാണ് പഷമാമ രൂപങ്ങള്‍. നഗ്നയും ഗര്‍ഭിണിയുമായ ഒരു സ്ത്രീയുടെ രൂപത്തിലുള്ള ശില്പങ്ങളാണ് അവ. രണ്ടു പേര്‍ ഇത്തരം നിരവധി രൂപങ്ങള്‍ ടൈബര്‍ നദിയിലേക്ക് വലിച്ചെറിയുന്നത് യൂട്യൂബ് ദൃശ്യങ്ങളില്‍ കാണപ്പെട്ടു.
ഈ രൂപങ്ങളെ കുറിച്ച് പലവിധ വ്യാഖ്യാനങ്ങളാണ് നല്‍കപ്പെടുന്നത്. ചിലര്‍ അതിനെ പരിശുദ്ധ മാതാവിന്റെ പ്രതീകമായി കാണുമ്പോള്‍ മറ്റു ചിലര്‍ ആമസോണ്‍ പ്രദേശത്തെ സംസ്‌കാരവുമായ ബന്ധപ്പെട്ട പഷമാമ രൂപമായി വ്യാഖ്യാനിക്കുന്നു. ജീവന്റെ പ്രതീകം എന്നാണ് വത്തിക്കാന്‍ വക്താവ് ഈ രൂപങ്ങളെ വിശേഷിപ്പിച്ചത്.
