നൈജീരിയന്‍ സെമിനാരിക്കാര്‍ മൂന്നു പേരും മോചിതരായി
കഡുന: നൈജീരിയിയലെ ഒരു സെമിനാരിയില്‍ നിന്ന് അക്രമികള്‍ തട്ടിക്കൊണ്ടു പോയ നാല് സെമിനാരിക്കാരില്‍ മൂന്നു പേരും മോചിതരായി. നാലാമനെ നേരത്തെ അക്രമികള്‍ വഴിയരികില്‍ തള്ളിയ നിലയില്‍ കണ്ടെത്തിയിരുന്നു. സെമിനാരിക്കാര്‍ വസിച്ചിരുന്ന ഗുഡ് ഷെപ്പേര്‍ഡ് സെമിനാരി അധികൃതരാണ് മോചന വിവരം അറിയിച്ചത്.
പയസ് കന്‍വായ്, പീറ്റര്‍ ഉമെനുക്കോര്‍, സ്റ്റീഫന്‍ ആമോസ്, മൈക്കള്‍ എനാഡി എന്നീ സെമിനാരിക്കാരെയാണ് ജനുവരി 8 ാം തീയതി തോക്കുധാരികളായ അക്രമികള്‍ തട്ടിക്കൊണ്ടു പോയത്.
സൈനികവേഷം ധരിച്ച അക്രമികള്‍ വേലി പൊളിച്ചു കടന്ന് സെമിനാരിക്കാര്‍ താമസിച്ചിരുന്ന ക്വോട്ടേഴ്‌സില്‍ പ്രവേശിക്കുകയായിരുന്നു. നാല് സെമിനാരിക്കാരെ തട്ടി കൊണ്ടു പോകുന്നതിനൊപ്പം ലാപ്‌ടോപ്പുകളും ഫോണുകളും അവര്‍ കവര്‍ച്ച ചെയ്തു.
