വി. ചാവറയച്ചന്‍ കർമനിരതനായ സന്യാസി: തോമസ് മാർ കൂറിലോസ്
മാന്നാനം: സഭയേയും സമൂഹത്തേയും വളർത്തിയെടുത്ത കർമനിരതനായ സന്യാസിയായിരുന്നു വിശുദ്ധ ചാവറയച്ചനെന്ന് തിരുവല്ല അതിരൂപത ആർച്ച്ബിഷപ് തോമസ് മാർ കൂറിലോസ്.
മാന്നാനം ആശ്രമദൈവാലയത്തിൽ വിശുദ്ധ ചാവറയച്ചന്‍റെ തിരുനാളിനോടനുബന്ധിച്ചു ഇന്നലെ വൈകുന്നേരം വിശുദ്ധ കുർബാന അർപ്പിച്ച് വചനസന്ദേശം നൽകുകയായിരുന്നു ആർച്ച്ബിഷപ് തോമസ് മാർ കൂറിലോസ്.
വിശുദ്ധ ചാവറയച്ചൻ കൈവയ്ക്കാത്ത മേഖലകളില്ല. സാമൂഹ്യ,സാംസ്കാരിക, വിദ്യാഭ്യാസ, ആതുര മേഖലകളിലല്ലാം ചാവറയച്ചൻ എക്കാലത്തും സ്മരിക്കപ്പെടുന്ന സംഭാവനകൾ നൽകിയാണ് കടന്നുപോയതെന്നും അദ്ദേഹം ഓർമിപ്പിച്ചു.
