യേശുക്രിസ്തുവിനെ കുറിച്ച് ബുദ്ധൻ പറഞ്ഞിട്ടുള്ളത് എന്താണെന്നറിയാമോ?

പഴയ നിയമം പ്രവചനങ്ങളുടെ പുസ്തകമാണ്. പഴയ നിയമത്തില്‍ ആരംഭിച്ച രക്ഷാകരമായ ദൈവിക പദ്ധതിയുടെ പൂര്‍ത്തീകരണമാണ്് യേശു ക്രിസ്തു. യഹൂദമതം വിശ്വസിച്ചിരുന്നത് അവരെ രക്ഷിക്കാന്‍ ഒരു രക്ഷകന്‍ വരും എന്ന് ആയിരുന്നു. പ്രവാചകന്മാരായ ഏശയ്യാ, ജെറെമിയ, മിക്കാ, എസ്സെക്കിയേല്‍, തുടങ്ങി നമ്മള്‍ പഴയ നിയമത്തില്‍ വായിക്കുന്ന പ്രവാചകന്മാരെല്ലാവരും രക്ഷകന്റെ വരവ് പ്രവചിച്ചിരുന്നു. പ്രവചനങ്ങള്‍ ക്രിസ്തുവിലൂടെ പൂര്‍ത്തിയാവുകയും ചെയ്തു.

എന്നാല്‍ ദേശങ്ങള്‍ക്കും കാലങ്ങള്‍ക്കും അപ്പുറം, യഹൂദരുടെ പാരമ്പര്യത്തിനും പാലസ്തീനായ്ക്കും പുറത്ത്, കടലുകള്‍ക്ക് അക്കരെ നിന്നൊരാള്‍ യുഗങ്ങള്‍ക്കു മുന്‍പേ ക്രിസ്തുവിന്റെ വരവ് പ്രവചിച്ചിരുന്നു – ഗൗതമ ബുദ്ധന്‍. ഏഷ്യയുടെ വെളിച്ചം എന്നറിയപ്പെടുന്ന ബുദ്ധന്‍ തന്റെ ജീവിതത്തിന്റെ അവസാന സമയങ്ങളില്‍ ക്രിസ്തുവിന്റെ ജനനത്തെ കുറിച്ചും രക്ഷയെ കുറിച്ചും മരണത്തെ കുറിച്ചും പ്രവചിച്ചിരുന്നു.

മനുഷ്യന്റെ രക്ഷയെ കുറിച്ച് ബുദ്ധന്‍ അദ്ദേഹത്തിന്റെ അനുയായികളോട് പറഞ്ഞത് ഇങ്ങിനെയാണ് ‘നിങ്ങള്‍ എത്ര നിയമങ്ങള്‍ പാലിച്ചാലും ദിവസം അഞ്ച് തവണ പ്രാര്‍ത്ഥിച്ചാലും നിങ്ങളുടെ പാപങ്ങളില്‍ നിന്നും മുക്തി നേടാനാവില്ല. നിങ്ങള്‍ നിങ്ങളെ തന്നെ സ്വയം ദഹിപ്പിച്ചാലും താപസജീവിതം നയിച്ചാലും ഈ ഭൂമിയില്‍ ഇനി പത്തു തവണ പുനര്‍ ജനിച്ചാലും അതില്‍ നിന്നും നിങ്ങള്‍ക്ക് രക്ഷയില്ല’ തായ് ലാന്‍ഡില്‍ ഉള്ള ബുദ്ധ ക്ഷേത്രത്തില്‍ സൂക്ഷിച്ച് വച്ചിരിക്കുന്ന കൈ എഴുത്ത് പ്രതികളിലെ വരികളാണിവ. മനുഷ്യകുലത്തിന്റെ പാപങ്ങള്‍ ഏറ്റെടുക്കാനും പാപപരിഹാരം ചെയ്യാനുമായി എത്തുന്ന ഒരാളിലേക്ക് ഈ വാക്കുകള്‍ സൂചന നല്‍കുന്നു.

ബുദ്ധന്റെ മരണ കിടക്കയില്‍ വച്ച് ഉള്ള പ്രവചനം ക്രിസ്തുവിനെ കുറിച്ച് അത്ഭുതകരമായ വിധത്തില്‍ വ്യക്തത നല്‍കുന്നു ‘കരുണയുടെ രാജാവ് വരാന്‍ ഇരിക്കുന്നു. അവനായിരിക്കും രാജാക്കന്മാരുടെ രാജാവ്. പ്രഭുക്കന്‍മാരുടെ പ്രഭു. അവന്‍ എല്ലാ മനുഷ്യ ഹൃദയങ്ങളെയും അറിയുന്നു. അവന്‍ മാലാഖമാരുടെയും മനുഷ്യരുടെയും രാജാവായിരിക്കും. അവനെക്കാള്‍ ശ്രേഷ്ഠനായി മറ്റാരുമില്ല. അവന്റെ മാറിടം മുറിവു കൊണ്ട് അലങ്കൃതമായിരിക്കും. അവന്റെ നെറ്റിത്തടം അനേകം മുറിവുകളാല്‍ ചുറ്റപ്പെട്ടിരിക്കും. ത്രീത്വ ദൈവത്തെ അറിഞ്ഞാല്‍ അവന്‍ നിങ്ങളെ സ്വര്‍ഗത്തിലേക്ക് കൊണ്ട് പോകും. അത് കൊണ്ട് നിങ്ങള്‍ നിങ്ങളുടെ പഴയ വഴികള്‍ ഉപേക്ഷിക്കുവിന്‍. സ്വര്‍ഗത്തില്‍ നിന്നുള്ള ആത്മാവ് നിങ്ങളുടെ ഹൃദയങ്ങളെ നിറയ്ക്കും’ ( സൂത്ര പ്രിദത്ത്; 3 : 107) .


മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.

മരിയൻ ടൈംസിന്റെ വാട്സാപ്പ് ഗ്രൂപ്പിലേക്ക് സ്വാഗതം . നിങ്ങൾ വാട്സാപ്പ് ഗ്രൂപ്പിൽ അംഗമായി കഴിയുമ്പോൾ ഓരോ ദിവസത്തെയും അപ്ഡേറ്റുകൾ നിങ്ങൾക്ക് ലഭിക്കുന്നതാണ്

വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക

മരിയന്‍ ടൈംസില്‍ പ്രസിദ്ധീകരിക്കുന്ന വാര്‍ത്തകളും ലേഖനങ്ങളും വീഡിയോകളും മരിയന്‍ ടൈംസിന്റെ മൊബൈല്‍ ആപ്പിലൂടെ നിങ്ങള്‍ക്ക് നേരിട്ട് ലഭിക്കും.

ആന്‍ഡ്രോയിഡ് ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക

ഐഓഎസ് ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക

Realated articles