യേശുവിന്റെ അപ്പസ്‌തോലന്മാര്‍ രക്തസാക്ഷിത്വം വരിച്ചത് എങ്ങനെ എന്നറിയാമോ?
1. മത്തായി എത്യോപ്യയില്‍ രക്തസാക്ഷിത്വം വരിച്ചു. അദ്ദേഹം വാള്‍ മുറിവാല്‍ കൊല്ലപ്പെട്ടു.
2. മാര്‍ക്കോസ് ഈജിപ്തിലെ അലക്‌സാണ്ട്രിയയില്‍ കുതിരകളെകൊണ്ട് തെരുവുകളിലൂടെ വലിച്ചിഴച്ച് വധിക്കുകയാണ് ഉണ്ടായത്.
3. ലൂക്കായെ ഗ്രീസില്‍ തൂക്കിലേറ്റിയത്, വിശ്വാസം ഉപേക്ഷിച്ചവരോടു നടത്തിയ മഹത്തായ പ്രസംഗത്തിന്റെ ഫലമായാണ്.
4. യോഹന്നാനെ റോമില്‍ വച്ച് തിളപ്പിച്ച എണ്ണയില്‍ ഇട്ടുവെങ്കിലും അദ്ദേഹം അത്ഭുതകരമായി മരണത്തില്‍ നിന്ന് രക്ഷിക്കപ്പെട്ടു. ദ്വീപായ പത്മോസിലെ ഖനികളിലേക്ക് നാടുകടത്തി അദ്ദേഹത്തെ ശിക്ഷിച്ചു. പത്മോസ് ദ്വീപില്‍ അദ്ദേഹം വെളിപാട് പുസ്തകം രചിച്ചു. യോഹന്നാന്‍ പിന്നീട് മോചിപ്പിക്കപ്പെടുകയും ഇന്നത്തെ തുര്‍ക്കിയില്‍ എഡെസ്സയുടെ മെത്രാനായി സേവനമനുഷ്ഠിക്കുകയും ചെയ്തു. അദ്ദേഹം വൃദ്ധനായി മരിച്ചു, സമാധാനപരമായി മരിക്കുന്ന ഒരേയൊരു അപ്പോസ്തലനാണ് യോഹന്നാന്‍.
5. പത്രോസ് ഒരു കുരിശില്‍ തലകീഴായി ക്രൂശിക്കപ്പെട്ടു. സഭാ പാരമ്പര്യമനുസരിച്ച്, യേശുക്രിസ്തു മരിച്ചതുപോലെ തന്നെ മരിക്കാന്‍ യോഗ്യനല്ലെന്ന് താന്‍ പീഡിപ്പിച്ചവരോട് പറഞ്ഞതിനാലാണിത്.
6. ജെറുസലേമിലെ സഭയുടെ നേതാവായ യാക്കോബിനെ ക്രിസ്തുവിലുള്ള വിശ്വാസം നിഷേധിക്കാന്‍ വിസമ്മതിച്ചപ്പോള്‍ ദേവാലയത്തിന്റെ തെക്കുകിഴക്കന്‍ അഗ്രത്തില്‍ നിന്ന് നൂറ് അടി താഴേക്ക് വലിച്ചെറിഞ്ഞു. വീഴ്ചയില്‍ നിന്ന് അദ്ദേഹം രക്ഷപ്പെട്ടുവെന്ന് കണ്ടെത്തിയപ്പോള്‍, ശത്രുക്കള്‍ അദ്ദേഹത്തെ ഒരു ഗദ കൊണ്ട് അടിച്ചു കൊന്നു. പരീക്ഷയുടെ സമയത്ത് സാത്താന്‍ യേശുവിനെ എടുത്ത അതേ അഗ്രം തന്നെയായിരുന്നു ഇത്.
7. സെബെദിയുടെ പുത്രനായ യാക്കോബിനെ ജറുസലേമില്‍ വെച്ച് ശിരഛേദം ചെയ്തു.
8. ബാര്‍ത്തലോമിയോ ഏഷ്യയിലേക്കുള്ള ഒരു മിഷനറിയായിരുന്നു. നഥാനിയേല്‍ എന്നും അദ്ദേഹം അറിയപ്പെടുന്നു. ഇന്നത്തെ തുര്‍ക്കിയില്‍ അദ്ദേഹം യേശുവിന് വേണ്ടി സാക്ഷ്യം വഹിച്ചു. അര്‍മേനിയയില്‍ പ്രസംഗിച്ചതിന് ബാര്‍ത്തലോമിയോ രക്തസാക്ഷിത്വം വരിച്ചു. അവിടെവെച്ച് അദ്ദേഹത്തെ ചാട്ടവാറിടയേറ്റ് രക്തസാക്ഷ്യം വഹിച്ചു.
9. അന്ത്രയോസ് ഗ്രീസിലെ പത്രാസില്‍ എക്‌സ് ആകൃതിയിലുള്ള കുരിശില്‍ ക്രൂശിക്കപ്പെട്ടു. ഏഴ് പട്ടാളക്കാര്‍ കഠിനമായി ചാട്ടവാറടിച്ച ശേഷം, അവന്റെ വേദന നീട്ടുന്നതിനായി അവര്‍ മൃതദേഹം ചരടുകൊണ്ട് കുരിശില്‍ കെട്ടി. അവനെ ക്രൂശിലേക്ക് നയിച്ചപ്പോള്‍ ആന്‍ഡ്രൂ ഇഇപ്രകാരം പറഞ്ഞു എന്ന് അദ്ദേഹത്തിന്റെ അനുയായികള്‍ റിപ്പോര്‍ട്ട് ചെയ്തു: ‘ഈ സന്തോഷകരമായ മണിക്കൂര്‍ ഞാന്‍ വളരെക്കാലമായി ആഗ്രഹിക്കുകയും പ്രതീക്ഷിക്കുകയും ചെയ്തു. ക്രിസ്തുവിന്റെ ശരീരം തൂക്കിയിട്ടാണ് കുരിശ് വിശുദ്ധീകരിക്കപ്പെട്ടത്.’ മരിക്കുന്നതു വരെ രണ്ടു ദിവസം അദ്ദേഹം കുരിശില്‍ കിടന്നു സുവിശേഷം പ്രസംഗിച്ചു.
10. തോമസിനെ ഇന്ത്യന്‍ ഉപ ഭൂഖണ്ഡത്തില്‍ ക്രിസ്തുമതം പ്രചരിപ്പിക്കാനുള്ള മിഷനറി യാത്രയ്ക്കിടെ ഒരു കുന്തം കൊണ്ട് കുത്തി കൊലപ്പെടുത്തുകയായിരുന്നു.
11. യൂദാ ക്രിസ്തുവിലുള്ള വിശ്വാസം ഉപേക്ഷിക്കാന്‍ വിസമ്മതിച്ചതിന്റെ പേരില്‍ അമ്പുകളാല്‍ കൊല്ലപ്പെട്ടു.
12. മത്തിയാസ് യൂദാസ് സ്‌കറിയോത്തയ്ക്കു പകരം തിരഞ്ഞെടുക്കപ്പെട്ട ഈ അപ്പൊസ്തലനെ ശത്രുക്കള്‍ കല്ലെറിഞ്ഞ് ശിരഛേദം ചെയ്തു.
13. പൗലോസിനെ എ.ഡി. 67ല്‍ റോമിലെ നീറോ ചക്രവര്‍ത്തി പീഡിപ്പിക്കുകയും ശിരച്ഛേദനം ചെയ്യുകയും ചെയ്തു. പൗലോസ് ഒരു നീണ്ടകാലതടവ് അനുഭവിച്ചു, റോമന്‍ സാമ്രാജ്യത്തിലുടനീളം അദ്ദേഹം രൂപവത്കരിച്ച സഭകള്‍ക്ക് തന്റെ നിരവധി ലേഖനങ്ങള്‍ എഴുതാന്‍ ഇത് അനുവദിച്ചു. ക്രിസ്തുമതത്തിന്റെ അടിസ്ഥാനപരമായ പല ഉപദേശങ്ങളും പഠിപ്പിച്ച ഈ കത്തുകള്‍ പുതിയ നിയമത്തിന്റെ വലിയൊരു ഭാഗമാണ്.
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
